У Расіі вызвалілі ізраільцянку Ісахар, асуджаную на 7,5 года за кантрабанду наркотыкаў. Па яе едзе прэм’ер Ізраіля
Асуджаная ў Расіі за кантрабанду наркотыкаў ізраільцянка Наама Ісахар, якую напярэдадні памілаваў прэзідэнт Уладзімір Пуцін, выйшла на волю, паведамляе РБК.
25-гадовая грамадзянка Ізраіля была прысуджаная да сямі з паловай гадоў калоніі. Дзяўчыну затрымалі ў красавіку 2019 года ў аэрапорце Шарамеццева падчас перасадкі з Дэлі ў Тэль-Авіў. У яе заплечніку, які Ісахар здала ў багаж, знайшлі 9,6 г гашышу, у Ізраілі і Індыі яго захоўванне ў такіх колькасцях не караецца. Ізраільцянка пагадзілася, што наркотык належыць ёй, але не прызнала віну ў кантрабандзе, бо ў яе не было доступу да багажу падчас перасадкі.
У кастрычніку Хімкінскі суд прызнаў Ісахар вінаватай. Яна знаходзілася ў жаночай калоніі ў Падмаскоўі.
З просьбай вызваліць дзяўчыну да Пуціна звярталіся прэзідэнт Ізраіля Рэўвен Рыўлін і прэм'ер Біньямін Нетаньяху. Пазней Нетаньяху заявіў, што спадзяецца на «добрыя навіны» пасля абмеркавання пытання з расійскімі ўладамі. У студзені 2020 года падчас візіту ў Ізраіль Пуцін сустрэўся з маці асуджанай Яфай Ісахар і паабяцаў, што «ўсё будзе добра».
Хто забараняе ў Беларусі кнігі — вось гэтыя 22 чалавекі33
Хто забараняе ў Беларусі кнігі — вось гэтыя 22 чалавекі
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары