Аб гэтым заявіў Аляксандр Лукашэнка сёння на сустрэчы з Архіепіскапам Мітрапалітам Мінска‑Магілёўскім Тадэвушам Кандрусевічам, якая прайшла ў каталіцкай катэдры
«Я задаволены тымі адносінамі, якія складваюцца паміж духоўнай і свецкай уладамі. Мы робім усё неабходнае, каб гэтыя адносіны ўзмацняліся і былі больш трывалымі, — падкрэсліў кіраўнік дзяржавы. — У нас склалася добрая традыцыя сустрэчы прэзідэнта з прадстаўнікамі асноўных канфесій, і яе нельга парушаць».
Аляксандр Лукашэнка нагадаў, што не так даўно сустракаўся з Патрыярхам Маскоўскім і ўсяе Русі Кірылам, які шмат гаварыў пра ўзаемаадносіны Праваслаўнай і Каталіцкай цэркваў, пра Папу Рымскага і Мітрапаліта Тадэвуша Кандрусевіча. «Каталіцкая і Праваслаўная цэрквы павінны быць бліжэй і так вырашаць узнікаючыя пытанні, каб не разарваць хрысціянскія ніці», — падкрэсліў прэзідэнт.
Кіраўнік дзяржавы адзначыў вялікі асабісты ўклад Тадэвуша Кандрусевіча ў выбудоўванне дыялога з Праваслаўнай царквой.
«Вы чалавек, нацэлены на тое, каб было мірна і спакойна ў краіне», — сказаў Аляксандр Лукашэнка.
«Мы высока цэнім місію Каталіцкай царквы», — падкрэсліў прэзідэнт. Ён сказаў, што падтрымлівае намер Рымска‑каталіцкай царквы па аднаўленню і будаўніцтву новых храмаў. Паводле яго слоў, Рымска‑каталіцкая царква ўзводзіць іх хутка, не зацягваючы будаўніцтва.
Тадэвуш Кандрусевіч у сваю чаргу адзначыў, што Царква павінна стаяць і стаіць на варце інтарэсаў людзей, дапамагае ім. «У грамадстве шмат праблем, вырашаць якія ўсе канфесіі павінны сумесна», — адзначыў Архіепіскап Мітрапаліт Мінска‑Магілёўскі.
Цяпер чытаюць
21‑гадовага курсанта Акадэміі авіяцыі асудзілі за Гаюна1
21‑гадовага курсанта Акадэміі авіяцыі асудзілі за Гаюна
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары