У прэс-службе Аляксандра Лукашэнкі гэтую інфармацыю пакуль не пацвярджаюць.
Паводле неафіцыйнай інфармацыі, 6 мая ў Гомелі адбудзецца сустрэча прэзідэнтаў Беларусі і Украіны.
У прэс‑службе Аляксандра Лукашэнкі гэтую інфармацыю пакуль не пацвярджаюць. «Прэс‑служба прэзідэнта пакуль не можа пацвердзіць гэтую інфармацыю», — паведаміў БелаПАН кіраўнік прэс‑службы Павел Лёгкі. Каментарый прэс‑службы прэзідэнта Украіны атрымаць пакуль не ўдалося.
Апошні раз кіраўнікі дзяржаў сустракаліся 20 студзеня ў Чарнігаве (Украіна). Паводле вынікаў сустрэчы прэзідэнтаў быў падпісаны шэраг дакументаў: мемарандум аб супрацоўніцтве ў энергетычнай сферы, консульская канвенцыя, мемарандум паміж урадамі і нацбанкамі аб выпрацоўцы мер па інтэнсіфікацыі гандлёва‑эканамічнага супрацоўніцтва ва ўмовах крызісу, міжурадавае пагадненне аб спрошчаным парадку праезду беларускага ўчастку аўтадарогі Славуціч — Чарнобыльская АЭС работнікамі і транспартнымі сродкамі прадпрыемстваў, якія ажыццяўляюць дзейнасць у зоне адчужэння, і пратакол да гэтага пагаднення.
У Чарнігаве было заяўлена, што сустрэча прэм’ер‑міністраў дзвюх краін адбудзецца «у найбліжэйшыя дзесяць дзён», каб аформіць усе дасягнутыя на вышэйшым узроўні дамоўленасці. Аднак Сяргей Сідорскі і Юлія Цімашэнка не сустрэліся дагэтуль.
Новая сустрэча Аляксандра Лукашэнкі і Віктара Юшчанкі адбудзецца напярэдадні ўстаноўчага саміта ініцыятывы «Усходняе партнёрства», які адбудзецца 7 мая ў Празе. Беларускі кіраўнік у якасці ўдзельніка не зарэгістраваны.Ва «Усходняе партнёрства» запрошаны Азербайджан, Арменія, Беларусь, Грузія, Малдова і Украіна.
З 30 красавіка па 6 мая ў Гомелі ў сувязі з рамонтнымі работамі закрыты шэраг вуліц, у тым ліку цэнтральная вуліца горада Савецкая.
Цяпер чытаюць
Скандал у полацкай школе: маці сцвярджае, што яе сына збілі на трэніроўцы па дзюдо — так хлопца «выхоўваў» трэнер12
Каментары