У Думе заявілі аб магчымым прызнанні «ДНР» і «ЛНР» у межах рэферэндуму 2014 года
Незалежнасць «ДНР» і «ЛНР» будзе прызнаная Расіяй у межах, якія займалі Данецкая і Луганская вобласці Украіны да 2014 года.
Такое меркаванне выказаў кіраўнік камітэта Дзярждумы па справах СНД, дэпутат ад КПРФ Леанід Калашнікаў.
«У гэтым пагадненні не ўдакладняецца, але я думаю, што маецца на ўвазе дзяржаўнасць, якая была зацверджаная на рэферэндуме старым і адзіным, які быў праведзены ў іншых межах чым, тыя, якія цяпер займае ДНР», — сказаў ён.
Паводле яго слоў, на сённяшні дзень ДНР і ЛНР «займаюць тэрыторыю меншую, чым гэта было на рэферэндуме, але яны лічаць, што іх дзяржаўнасць распаўсюджваецца на тую тэрыторыю таксама».
«А як гэтыя межы будуць аднаўляцца, у гэтым пагадненні і не прадугледжана. Як яны будуць аднаўляцца, гэта не нашы з вамі кампетэнцыі», — дадаў кіраўнік камітэта.
З Калашнікавым не згодная першая намесніца старшыні камітэта Дзярждумы па міжнародных справах Святлана Журава.
«У тых межах, што цяпер, вядома. Ніхто не збіраецца ісці далей. Мы ў дакументах ніякіх іншых межаў не вызначалі», — пракаментавала яна РБК словы Калашнікава.
Хто забараняе ў Беларусі кнігі — вось гэтыя 22 чалавекі33
Хто забараняе ў Беларусі кнігі — вось гэтыя 22 чалавекі
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары