Вечарам 2 кастрычніка ў польскім Кракаве прайшла прэзентацыя кнігі «Lodołamaczka. Swiatłana Cichanouska» («Ледаколка. Святлана Ціханоўская»). У прэзентацыі ўзялі ўдзел і аўтар, і галоўная гераіня, піша «Белсат».
Lodołamaczka — неўласцівая польскай мове жаночая форма слова lodołamacz («ледакол»), аўтарскі наватвор для апісання Святланы Ціханоўскай. Кніга напісаная журналістам польскай газеты «Rzeczpospolita» і калумністам «Белсата» Русланам Шошыным. Яна ў продажы з 28 верасня.
Святлана Ціханоўская на прэзентацыі казала, што кніга не пра яе, а пра ўсіх беларусаў. На кракаўскую прэзентацыю прыйшло шмат людзей з бел-чырвона-белымі сцягамі, выступоўцам ладзілі авацыі стоячы, гукалі «Жыве Беларусь». Выступалі таксама аўтар кнігі Руслан Шошын, польскі дэпутат і прафесар Павел Коваль. Падчас прэзентацыі Ціханоўскую называлі «пані прэзідэнт».
Перад прэзентацыяй Ціханоўская наведала магілу загінулага ў 2010 годзе ў авіякатастрофе прэзідэнта Польшчы Леха Качынскага і музей на месцы нацысцкага лагера смерці Аўшвіц-Біркенаў.
Пасля прэзентацыі Ціханоўская зладзіла сустрэчу з беларусамі ў цэнтры Кракава.
Каментары
Теперь понятно ?