Viečaram 2 kastryčnika ŭ polskim Krakavie prajšła prezientacyja knihi «Lodołamaczka. Swiatłana Cichanouska» («Ledakołka. Śviatłana Cichanoŭskaja»). U prezientacyi ŭziali ŭdzieł i aŭtar, i hałoŭnaja hierainia, piša «Biełsat».
Lodołamaczka — nieŭłaścivaja polskaj movie žanočaja forma słova lodołamacz («ledakoł»), aŭtarski navatvor dla apisańnia Śviatłany Cichanoŭskaj. Kniha napisanaja žurnalistam polskaj haziety «Rzeczpospolita» i kałumnistam «Biełsata» Rusłanam Šošynym. Jana ŭ prodažy z 28 vieraśnia.
Śviatłana Cichanoŭskaja na prezientacyi kazała, što kniha nie pra jaje, a pra ŭsich biełarusaŭ. Na krakaŭskuju prezientacyju pryjšło šmat ludziej ź bieł-čyrvona-biełymi ściahami, vystupoŭcam ładzili avacyi stojačy, hukali «Žyvie Biełaruś». Vystupali taksama aŭtar knihi Rusłan Šošyn, polski deputat i prafiesar Pavieł Koval. Padčas prezientacyi Cichanoŭskuju nazyvali «pani prezident».
Pierad prezientacyjaj Cichanoŭskaja naviedała mahiłu zahinułaha ŭ 2010 hodzie ŭ avijakatastrofie prezidenta Polščy Lecha Kačynskaha i muziej na miescy nacysckaha łahiera śmierci Aŭšvic-Birkienaŭ.
Paśla prezientacyi Cichanoŭskaja zładziła sustreču ź biełarusami ŭ centry Krakava.
Kamientary
Tiepieŕ poniatno ?