Тыктокер Некаглай распавёў, што ў расійскай паліцыі яго катавалі і спрабавалі згвалтаваць бутэлькай
Тыктокер Мікалай Лебедзеў, вядомы пад нікам Некаглай, запісаў відэа, дзе распавёў пра катаванні ў аддзеле паліцыі пасля затрымання. Яго расповед пераказвае «Медыязона».
З аддзела паліцыі Некаглая павезлі ў Цэнтр часовага ўтрымання замежных грамадзян у пасёлку Сахарава, а затым выправадзілі з Расіі ў Малдову, грамадзянінам якой блогер з’яўляецца.
Гэта гісторыя адбылася з-за пародыі на відэа з расійскім салдатам, які выкідваў з акопа скінутыя з дрона гранаты.
Па словах Лебедзева, 9 лістапада яго даставілі з суда ў АУС па Прэсненскім раёне Масквы, дзе «закрылі ў КПЗ».
Каля сямі гадзін вечара да яго прыйшлі сілавікі, якія ўдзельнічалі ў затрыманні (іх дакладнае месца службы невядома), і прапанавалі запісаць відэа з прабачэннямі. Малады чалавек кажа, што спачатку аджартоўваўся, але потым прыйшлі супрацоўнікі паліцыі, якія закавалі яго ў кайданкі і павялі на чацвёрты паверх АУС.
Там, у невялікім кабінеце, яго павалілі на зямлю і пачалі збіваць рукамі і нагамі, скакаць на ім.
Некаглай кажа, што прапаноўваў паліцыянтам па мільёне рублёў, але тыя працягвалі збіваць яго. Спачатку яны здымалі працэс збіцця на смартфон, затым распранулі дагала і запатрабавалі, каб малады чалавек сеў на літровую бутэльку Coca-Cola.Ён адмовіўся, і тады паліцыянты паспрабавалі ўставіць яе сілай, але Лебедзеў працягваў супраціўляцца.
«Я губляў некалькі разоў прытомнасць на пару секунд», — распавядае ён. Пры гэтым яго стараліся не біць па твары, каб не засталося заўважных слядоў.
У выніку паліцыянты прапанавалі Лебедзеву засунуць бутэльку ў анус самастойна; ён зрабіў выгляд, што робіць гэта.
«Уся падлога ў маёй крыві, маёй ванітах, я бляваў ад стрэсу, ад шоку, ад удараў па нырках, па жываце, уся галава была акрываўленая ад удараў па патыліцы, ад таго, што я драпаўся аб шафу», — апісвае ён той вечар і паказвае даведку з траўмапункта з дыягназам: «Множныя гематомы, ранкі валасістай часткі галавы, твару, шыі, верхніх і ніжніх канечнасцяў».
Зняўшы эпізод з бутэлькай на відэа, паліцыянты прымусілі яго запісаць ролік з выбачэннямі, затым прынеслі брытву і нажніцы. Валасы на галаве Некаглая спачатку проста вырывалі рукамі, затым сталі галіць, пакідаючы парэзы.
Лебедзева, які меў грамадзянства Малдовы, затрымалі ў Маскве 9 лістапада. У той жа дзень яго аштрафавалі з-за «парушэння правілаў знаходжання» (частка 3.1 артыкула 18.8 КаАП). Пазней з'явілася відэа з выбачэннямі, на якім Некаглай з паголенай галавой кажа, што «адчувае сябе, як жывёла». 24 лістапада яго выправадзілі з краіны.
Каментары