Пачалі судзіць айцішніка за «фінансаванне экстрэмісцкай дзейнасці». За тры данаты на 75 даляраў
У Мінскім гарадскім судзе паводле ч. 2 арт. 361-2 Крымінальнага кодэкса (фінансаванне экстрэмісцкай дзейнасці) пачалі судзіць IT-спецыяліста Руслана Завадзіча. Яму інкрымінуюць два данаты ў By_Help у жніўні 2020 года на 50 даляраў, а таксама данат Валеру Цапкалу на суму каля 25 даляраў у 2021 годзе. Справу разглядае суддзя Жанна Брысіна, піша «Вясна».
Руслана затрымалі прыкладна ў канцы кастрычніка 2022 года. Спачатку некаторы час яго ўтрымлівалі на Акрэсціна, а потым перавялі ў СІЗА-1 на Валадарскага. Цяпер яго абвінавачваюць паводле ч. 2 арт. 361-2 (фінансаванне экстрэмісцкай дзейнасці).
Паводле ягоных знаёмых, крымінальную справу завялі за два данаты ў By_Help на агульную суму 50 даляраў у жніўні 2020-га, а таксама перавод каля 25 даляраў у 2021 годзе Валерыю Цапкалу. Па матэрыялах справы, данаты Руслан рабіў праз беларускую біржу ў біткойнах.
Але на момант пераводаў ні By_Help, ні Цапкала не былі прызнаныя «экстрэмісцкімі фармаваннямі», гэта здарылася значна пазней.
Згодна з профілем Linkedin, Руслан апошнія шэсць гадоў працаваў у кампаніі Netcracker. Раней ён нейкі час быў валанцёрам «Аховы птушак Бацькаўшчыны». Таксама вядома, што Руслан — заснавальнік клуба астраноміі і фатограф.
Падтрымайце Руслана: СІЗА-1, 220030, Мінск, Валадарскага, 2, Руслан Генадзьевіч Завадзіч.
Цяпер чытаюць
Скандал у полацкай школе: маці сцвярджае, што яе сына збілі на трэніроўцы па дзюдо — так хлопца «выхоўваў» трэнер12
Каментары