«Шансуе», «гаварыць» і «тутэйшы». Завод «Прамень» выпусціў калекцыю гадзіннікаў, прысвечаную беларускім дыялектам
Мінскі гадзіннікавы завод «Прамень» сумесна з АЗС А-100 выпусціў лімітаваную калекцыю гадзіннікаў і будзільнікаў «Кропкі часу». Яе прымеркавалі да Дня беларускага пісьменства і прысвяцілі беларускім дыялектам.
«Кропкі часу» — гэта лімітаваная калекцыя, натхнёная шматграннасцю і багаццем беларускай культуры і мовы. За мінімалістычным дызайнам схаваны глыбокі сэнс разнастайнасці знаёмых кожнаму беларусу дыялектаў», — сказана ў прэс-рэлізе завода.
На гадзінніку і будзільніках — надпісы на беларускай мове («шансуе», «гаварыць» і «тутэйшы»), а таксама межы Беларусі. Што тычыцца колеру, то ёсць тры варыянты: «блакітнае возера», «першы прамень» і «вясновы луг».
«Гэтая калекцыя нібы люстэрка, зазірнуўшы ў якое, вы можаце вярнуцца ў цёплыя ўспаміны свайго дзяцінства», — расказалі на заводзе.
Купіць гадзіннікі і будзільнікі з новай калекцыі можна як на сайце luch.by, так і ў фірмовых крамах «Прамень».
Акрамя таго, будзільнікі паабяцалі прадаваць і на запраўках А-100.
Там жа прапанавалі купіць і гарачыя напоі ў кубачках з дызайнам «Кропкі часу» і QR-кодам, адсканаваўшы які, можна будзе прайсці тэст на веданне беларускай мовы і «атрымаць падарункі ад АЗС А-100 і Мінскага гадзіннікавага завода «Прамень».
Прапаганда рыхтуе грамадства да загадкавай «працяглай камандзіроўкі» Лукашэнкі39
Каментары
даўно (дауно!) састарэўшы лагатып
хто ж зробіць яго луччэ?
дзе той Дизайнер?