Расіянін зняў кватэру ў Магілёве і скраў адтуль па запчастках пральную машыну
31-гадовы жыхар горада Губаха (Пермскі край РФ) у жніўні 2023 года прыехаў у Магілёў, зняў кватэру на кароткі тэрмін, а затым разабраў пральную машыну на запчасткі і прадаў іх.
Мужчыну знайшлі па запыце праваахоўных органаў Беларусі, піша reform.by са спасылкаю на афіцыйны сайт Губахінскай муніцыпальнай акругі.
Як высветлілася, губахінец разабраў пральную машыну на запчасткі, дэталі ён прадаваў па абʼявах у інтэрнэце, а потым праз некалькі дзён вярнуўся на радзіму. Расеец растлумачыў свой учынак «цяжкім матэрыяльным становішчам».
Шкоду ад турыста гаспадыня кватэры ацаніла ў 410 беларускіх рублёў.
Праваахоўнымі органамі Беларусі крымінальная справа была перададзена ў Расію для расследавання па месцы жыхарства абвінавачанага. Фігурант поўнасцю прызнаў віну і кампенсаваў нанесеную матэрыяльную шкоду. Цяпер крымінальная справа накіравана ў суд.
Цяпер чытаюць
Хто забараняе ў Беларусі кнігі — вось гэтыя 22 чалавекі32
Хто забараняе ў Беларусі кнігі — вось гэтыя 22 чалавекі
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары
Из Украины, стиралки, воровали танковыми колоннами ....