Тэлеканалу «Белсат» стала вядома пра затрыманне супрацоўнікаў Музея традыцыйнай культуры ў Браславе. У дамах быў праведзены ператрус, затрыманая дырэктарка ўстановы.
Затрыманне адбылося ўначы напярэдадні выставы «Калядныя ўзоры», якая адкрылася ў музеі 22 снежня.
Паводле інфармацыі «Белсата», уначы ў чацвер у дамы да супрацоўнікаў Музея традыцыйнай культуры прыйшоў АМАП. Сярод затрыманых — загадчыца музея Элеанора Зінкевіч, яе муж, а таксама іншыя супрацоўнікі ўстановы.
У дамах усіх супрацоўнікаў быў праведзены «старанны ператрус», падчас якога знайшлі кнігі па гісторыі Беларусі, а таксама канфіскавалі стары дакумент з пячаткай, на якой выяўленая «Пагоня».
Некаторых супрацоўнікаў ужо адпусцілі, некаторыя, уключна з дырэктаркай, дасюль знаходзяцца ў міліцыі.
Прычыны затрымання не паведамляюцца.
У праграме выставы «Калядныя ўзоры» значыліся батлейка «Цар Ірад», майстар-класы, выстава вінтажных навагодніх цацак. Паведамляецца, што на выставу прыйшло шмат людзей, таму яе было вырашана не адмяняць, нягледзячы на тое, што супрацоўнікаў музея не было на месцы.
Цяпер чытаюць
Беларусаў па вяртанні дамоў на мяжы ўсё часцей раздзяваюць дагала22
Каментары
чытаў тыпу інтэрв’ю журналіста з ветэранам НКВД… -- Чаму пад арышт выпадкова траплялі,
часам, простыя рабацягі, майстры,-- пытае журналіст. – Ну, проста выпадкова не
магло быць! Значыць, гэта былі людзі, якія ўмелі думаць!—адказвае ветэран НКВД.
Вось тое адбылося
і ў Браславе і не толькі… Пазатрымалі ўжо ўсіх тых, хто ставіў лайкі, рабіў
рэпосты, падпісаўся не на тыя каналы…
Дзе яшчэ можа
быць варожае кубло? -- У музеі,
напрыклад! Яны ладзілі розныя фэсты! “Меч Брачыслава”, памятаецца. Туды ж з’язджаліся
розныя экстрэмісты, рыцары…
А хто тыя
міліцыянты! Дзеці вёскі! Выхадцы з нядобранадзейных сем’яў! А ў іх – нянавісць да
адукаваных, ініцыятыўных…
Ад сваіх знаёмых
настаўнікаў вельмі часта чуў: “Усе мае двоечнікі у міліцыю пайшлі працаваць…”