«Заглэмбе» выступіў з заявай наконт сітуацыі з Хацкевічам і анансаваў кадравыя змены цягам сутак
«Зараз робяцца намаганні па высвятленні абставінаў здарэння», — гаворыцца ў заяве клуба.
«Заглембэ» з Сасноўца выступіў у афіцыйнай заявай з нагоды сітуацыі з галоўным трэнерам клуба Аляксандрам Хацкевічам.
У сераду на трэніроўку каманды, што займае апошні радок у першай лізе польскага футбольнага чэмпіянату, праніклі раззлаваныя фанаты, якія ўдарылі галоўнага трэнера беларуса Аляксандра Хацкевіча. Пасля гэтага з'явілася інфармацыя, што беларус пакіне каманду пасля заканчэння сезона.
Аднак у сваім фэйсбуку клуб з Сасноўца анансаваў кадравыя змены ўжо ў найбліжэйшыя суткі.
«У сераду раніцай падчас заняткаў першай каманды «Заглэмбе», якая праходзіла на трэніровачным полі, з'явілася група мужчын, перапыніла трэніроўку, а затым паразмаўляла з трэнерскім складам і гульцамі. Прыняўшы пад увагу стаўленне людзей у масках, клуб апавясціў пра гэта паліцыю, якая накіравала на месца патруль. Зараз робяцца намаганні па высвятленні абставінаў здарэння. У той жа час паведамляем вам, што на працягу найбліжэйшых 24 гадзін мы паведамім аб кадравых рашэннях адносна нашага клуба», — гаворыцца ў паведамленні клуба.
«Заглэмбе» займае апошняе месца ў розыгрышы першай лігі, адстаючы ад выратавальнага 15-га месца на 12 балаў. У панядзелак клуб быў разгромлены на сваім полі ГКС з Катавіцаў з лікам 0:4.
Аляксандр Хацкевіч, які ў свой час трэніраваў кіеўскае «Дынама», зборную Беларусі і валгаградскі «Ротар», узначаліў каманду ў сярэдзіне студзеня. Пры ім «Заглэмбе» згуляла два матчы ўнічыю, а чатыры прайграла, забіўшы ў шасці матчах усяго адзін гол.
Цяпер чытаюць
Беларусаў па вяртанні дамоў на мяжы ўсё часцей раздзяваюць дагала21
Каментары