Асуджаны ва Украіне мітрапаліт РПЦ вызваліўся і аб'явіўся ў Беларусі
23 чэрвеня мітрапаліт Тульчынскі і Брацлаўскі УПЦ Маскоўскага патрыярхату Іянафан (Анатоль Ялецкіх) з'явіўся на набажэнстве напярэдадні свята Святога Духа ў Мінску ў Свята-Духавым кафедральным саборы разам з мітрапалітам Веніямінам. Пра гэта паведамілі на афіцыйным сайце БПЦ. За дзень да таго ў РПЦ заявілі, што ён вызвалены «па хадайніцтве патрыярха Кірыла».
Абставіны вызвалення мітрапаліта дагэтуль невядомыя.
«Уладыку Іянафана вызвалілі праз умяшанне Папы Францішка на просьбу Свяцейшага. Папа Францішак працуе і над вызваленнем іншых архірэяў», — сказаў у каментарыі ТАСС кіраўнік Сусветнага саюза старавераў Леанід Севасцьянаў.
Магчыма, адбыўся абмен, ад якога Іянафан раней адмаўляўся. З'яўленне яго адразу пасля вызвалення ў Мінску, відаць, звязана з ягонай дэпартацыяй праз тэрыторыю Беларусі. Увогуле раней паведамлялася, што Іянафан збіраецца адправіцца ў Маскву.
Мітрапаліт Тульчынскі і Брацлаўскі Іянафан з Украінскай праваслаўнай царквы Маскоўскага патрыярхату быў асуджаны ў Вінніцы ва Украіне ў жніўні 2023-га за апраўданне расійскай агрэсіі на пяць гадоў зняволення. Паводле версіі следства, ён распаўсюджваў сярод вернікаў прарасійскія ўлёткі і размясціў на сайце епархіі артыкул, у якім заяўляў пра вяршэнства Маскоўскага патрыярхату.
Цяпер чытаюць
Хто забараняе ў Беларусі кнігі — вось гэтыя 22 чалавекі33
Хто забараняе ў Беларусі кнігі — вось гэтыя 22 чалавекі
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары