З Мінска на дапамогу накіравалася спецыяльная брыгада.
Мінздароўя апублікавала спецыяльны рэліз наконт стану пацыентаў, якія пацярпелі ў ДТЗ у Пружанскім раёне сёння раніцай.
Нагадаем, што кіроўца аўтамабіля Mercedes, рухаючыся па другараднай дарозе, не саступіў дарогу і сутыкнуўся з аўтобусам МАЗ, які рухаўся па галоўнай дарозе. Ад удару аўтобус перакуліўся. У салоне знаходзіліся 12 чалавек. Загінулі тры чалавекі, у тым ліку кіроўца аўтамабіля два пасажыры аўтобуса.
У Пружанскую цэнтральную раённую бальніцу даставілі 10 пацярпелых. Усе яны былі агледжаны профільнымі спецыялістамі раённага і абласнога ўзроўняў.
Пасля ацэнкі стану траіх пацярпелых перавялі аўтамабілямі-рэанімабілямі ў Брэсцкую абласную клінічную бальніцу. Пацыенты шпіталізаваныя ў аддзяленне анестэзіялогіі і рэанімацыі. Для правядзення рэспубліканскага кансіліуму і аказання дапамогі калегам у бальніцу выехала брыгада дактароў-спецыялістаў РНПЦ.
У траўматалагічным аддзяленні Пружанскай цэнтральнай раённай бальніцы з траўмамі рознай лакалізацыі працягваюць лячэнне сем пацярпелых, стан якіх ацэнены як сярэдняй ступені цяжкасці.
Цяпер чытаюць
Хто забараняе ў Беларусі кнігі — вось гэтыя 22 чалавекі33
Хто забараняе ў Беларусі кнігі — вось гэтыя 22 чалавекі
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары