Сталі вядомыя падрабязнасці жорсткага забойства амерыканскага Z-блогера Бэнтлі ў Данецку
Расійскія следчыя ідэнтыфікавалі трох расійскіх вайскоўцаў, якія закатавалі амерыканца.
У красавіку 2024 года ў падкантрольным расіянам Данецку прапаў амерыканскі блогер Расэл «Тэхас» Бэнтлі.
Цяпер «База» публікуе падрабязнасці гісторыі ад расійскіх следчых
8 красавіка 2024 года Віталь Вансяцкі, Уладзіслаў Агальцаў і Андрэй Іарданаў збілі да смерці і падверглі катаванням Расэла Бэнтлі. У той жа дзень Вансяцкі і Агальцаў падарвалі аўтамабіль ВАЗ 2115 з яго целам, выкарыстоўваючы трацілавую шашку.
9 красавіка 2024 года па ўказанні Вансяцкага вайсковец той жа вайсковай часці Бажын вывез астанкі Бэнтлі з месца здарэння.
На ўсіх гэтых вайскоўцаў завялі крымінальную справу.
Забітаму Рэсалу Бэнтлі па мянушцы «Тэхас» было 64 гады. Ён родам са штата Тэхас, працаваў там лесарубам.
Мужчына паходзіў з заможнай сям'і, але ва ўзросце каля 30 гадоў разышоўся з блізкімі праз камуністычныя погляды. Таксама ў мінулым ён быў актывістам, які агітаваў за легалізацыю марыхуаны, якой гандляваў, за што атрымаў пяць гадоў турмы.
Пасля першага ўварвання Расіі ва Украіну, мужчына, натхнёны камуністычнай агітацыяй пра «народныя рэспублікі» і «нацысцкую Украіну», паехаў у Данецк. Ён пачаў ваяваць у батальёне «Усход», якім кіраваў перабежчык з СБУ Аляксандр Хадакоўскі. Удзельнічаў у баях за Данецкі аэрапорт.
Праз узрост не змог працягваць удзел у баявых дзеяннях і пакінуў фронт. Аднак з Расіі ён не з'ехаў, ажаніўся з настаўніцай рускай мовы і з вясны 2015 года супрацоўнічаў з расійскімі прапагандыстамі ў якасці ваеннага карэспандэнта.
Бэнтлі знік 8 красавіка 2024 года падчас абстрэлу Данецка. Ён паехаў дапамагаць пацярпелым, але так і не вярнуўся. Пазней была знойдзена яго машына, а ў ёй бейсболка, акуляры і разбіты тэлефон.
Спачатку жонцы сказалі, што ён «здымаў тэхніку для УСУ», але тыя, з кім раней ваяваў Расэл, адшукалі ягоны тэлефон і высветлілі, што ён у гэты дзень нічога не здымаў.
Цяпер чытаюць
Стаў вядомы прысуд экс-памочніку Лукашэнкі Ігару Брыло4
Каментары
Товарищ Сталин ЛИЧНО подписывал списки на подобных пассионариев..... Эти ребята, начитавшись, "как закалялась сталь" рвутся в бой.... Но в подобных системах такие НЕ выживают от слова совсем... Они вроде как нужны, на словах... Но оставлять в живых? Сами такие, сами знаем как власть берется, сами знаем что отдать власть значит умереть.... В расход. И это работает на уровне инстинктов.