У літоўскай амбасадзе не ведаюць, ці будзе Лукашэнка запрошаны на ўрачыстасці ў Вільню
Дзень аднаўлення незалежнасці Літва святкуе 11 сакавіка.
11 сакавіка ў Літве пройдуць святочныя мерапрыемствы, прысвечаныя 20-ай гадавіне падпісання Акта аб незалежнасці. Літва была першай з былых савецкіх рэспублік, хто заявіў аб сваёй незалежнасці ад СССР.
У сувязі з круглай датай, плануецца шэраг урачыстасцяў з удзелам кіраўніцтва краіны. На іх былі запрошаныя ўсе кіраўнікі краін ЕС, а таксама прэзідэнт Расіі Д.Мядзведзеў. Што праўда, расійскі прэзідэнт ад запрашэння адмовіўся, спасылаючыся на занятасць.
Ці будзе запрошаны кіраўнік Беларусі – вялікае пытанне. У літоўскай амбасадзе інфармацыяй аб гэтым пакуль не валодаюць і каментаваць магчымасць візіту адмаўляюцца.
Раней паведамлялася, што на запрашэнне Лукашэнкі ў Літву паўплывае рашэнне Беларусі аб выдачы У.Усхопчыка – генерала, якога літоўскі бок падазрае ў злачынствах, здзейсненых 13 студзеня 1990 году ля тэлевежы ў Вільні. Генпракуратура Беларусі заявіла, што не будзе супрацоўнічаць з літоўскімі калегамі па гэтым пытанні.
У той жа прэзідэнт Украіны Януковіч запрашэнне на ўрачыстасці атрымаў.
Палітолаг Аліна Харысава пагадзілася супрацоўнічаць з СБУ. Аказалася, гэта было КДБ36
Каментары