На думку Байдэна, рэспубліканцы «спачатку страляюць, а потым цэляцца».
Экс-прэзідэнт ЗША Джо Байдэн выступіў з першай публічнай прамовай пасля таго, як пакінуў сваю пасаду. Трансляцыю з канферэнцыі ў Чыкага на тэму абароны сацыяльнага забеспячэння вёў тэлеканал CNN.
Байдэн раскрытыкаваў свайго пераемніка Дональда Трампа за захады ў дачыненні да мігрантаў. Байдэн таксама раскрытыкаваў Трампа з-за маштабнага скарачэння колькасці дзяржслужачых.
Ён не называў рэспубліканца па імені — замест гэтага выкарыстаў выраз «гэты хлопец».
Байдэн асудзіў падыход новай адміністрацыі да сацыяльнага забеспячэння, заявіўшы, што масавыя скарачэнні ствараюць рызыкі для мільёнаў амерыканцаў, якім неабходная падтрымка дзяржавы.
«Сацыяльнае забеспячэнне — гэта больш, чым урадавая праграма, гэта святое абяцанне, якое мы далі. <…> Мы ніколі, ніколі не павінны здраджваць гэтаму даверу або паварочвацца спінай да сваіх абавязкаў», — мяркуе экс-прэзідэнт ЗША.
На думку Байдэна, рэспубліканцы «спачатку страляюць, а потым цэляцца».
«Яны хочуць разбурыць, каб потым абрабаваць. Навошта яны хочуць абрабаваць? Каб знізіць падаткі мільярдэрам і буйным карпарацыям», — лічыць ён.
Гэта выступленне адзначае вяртанне Байдэна ў публічную сферу і падкрэслівае важнасць сацыяльнага забеспячэння як ключавога пытання ў будучых палітычных дэбатах.
Адміністрацыя Трампа адрэагавала на заявы Байдэна, абвінаваціўшы яго ў распаўсюджванні няпраўды. Там сцвярджаюць, што прэзідэнт Трамп абавязаўся абараняць сацыяльнае забеспячэнне і што ўсе атрымальнікі працягнуць атрымліваць свае выплаты.
Сам Дональд Трамп рэгулярна ўзгадвае і абражае Джо Байдэна, называючы яго «найгоршым прэзідэнтам у гісторыі». Паводле Трампа, многія рашэнні яго адміністрацыі выкліканыя неабходнасцю «выпраўляць беспарадак», які нібыта панаваў падчас кіравання Байдэна.
Цяпер чытаюць
У Беларусі множацца пляцоўкі для танцаў на свежым паветры — паглядзіце, як адпальваюць разам моладзь і пенсіянеры ў Серабранцы2
Каментары
Турпалёты 6 хвілінныя Безоса і яго б..арышэнь за сотні мльёнаў$ іньшыя выбрікі " нуварышэй" пры добрай агітацыі здольны прывесці ..да розных падзей У кампусах у саміх універсітэтах ёсць незадаволенасць Нагадаю май травень 1968 Парыж ..
Дэмакраты пакуль па ўзросту ні здольны гэта ачоліць