Стала вядома, каму належыць вытанчанае французскае бістро ў Мінску. Вам не спадабаецца
Старшыня НАК Віктар Лукашэнка адкрыў вытанчанае французскае бістро ў Мінску.
«Бюро» высветліла, што старэйшы сын Аляксандра Лукашэнкі падаўся ў рэстаратары.
Летась у снежні фірма «Лебядзіны парк», якая знаходзіцца ва ўласнасці ў Нацыянальнага алімпійскага камітэта на чале з Віктарам Лукашэнкам, зарэгістравала рэстаран Le Château 27.
Акрамя Le Château 27, «Лебядзіны парк» мае ва ўласнасці яшчэ два пункты грамадскага харчавання блізу элітнага пасёлка Дразды: скандальны рэстаран «Лебядзіны» і кафэ Velmi на 50 пасадачных месцаў.
Апошняе размясцілася ў фізкультурна-спартовым комплексе «Алімпік арэна», які таксама падпарадкоўваецца НАК.
Колькі НАК на чале з Віктарам Лукашэнкам зарабляе на сваіх рэстаранах, журналісты не даведаюцца. Бухгалтарская справаздачнасць «Лебядзінага парку», як, уласна, і ўсяго бізнэсу, звязанага са старэйшым сынам Лукашэнкі, засакрэчаная як падатковая таямніца згодна з пастановай Савета міністраў №1149.
Сам Віктар Лукашэнка аднымі толькі рэстаранамі не абмяжоўваецца. Раней «Бюро» высветліла, што НАК на пару з «кашальком» Лукашэнкі, бізнэсоўцам Аляксандрам Зайцавым, запусціў сетку алкамаркетаў у Беларусі пад брэндам «Дуб зялёны».
Цяпер чытаюць
Беларусаў па вяртанні дамоў на мяжы ўсё часцей раздзяваюць дагала22
Каментары
https://web-analytics.online/378552
Калі ўсё ж нарэшце ўцяміць той факт, што Краіна пад акупацыяй - будзе зразумела і тое, што на акупаванай тэрыторыі ў прынцыпе ня можа быць ані рэстарацыі, ані буйнога бізнэсу, якія не належаць хунце каменданта ці ейным набліжаным. Праўда, за шэсць гадоў пакуль таго не атрымалася: называць захопніка "афіцыйным Менскам" ды "беларускім бокам" усё ж вельмі лагічна і ня месьціць аніякіх супярэчнасьцяў.