Беларусам прапануюць аформіць кантракт на «СВА» — абяцаюць «лёгкую службу»
Рэсурс «доброволец-центр.рф» шукае добраахвотнікаў для ўдзелу ў так званым «СВА», у тым ліку сярод беларусаў. На сайце пазначана больш за 100 гарадоў Беларусі, сярод іх — Гродна, Ліда і Навагрудак, заўважыў Hrodna Life.
Атрымаюць участак і статус «ветэрана»
Перад афармленнем заяўкі на сайце пералічваюць «перавагі» падпісання кантракта. Удзельнікам абяцаюць зямельны ўчастак памерам 10 сотак коштам 1 мільён расійскіх рублёў (37 тысяч беларускіх), 1,5 мільёна расійскіх рублёў (55,5 тысяч беларускіх) пры заключэнні кантракта, а таксама статус «ветэрана баявых дзеянняў і ўсе льготы». У якой з краін будуць выдаваць участкі, на сайце не тлумачаць.
Таксама ўдзельнікам абяцаюць крэдытныя і падатковыя канікулы, бюджэтныя месцы для навучання дзяцей у ВНУ і кампенсацыю 50% пры аплаце жыроўкі.
Заробак байца «ў зоне СВА» — ад 210 тысяч расійскіх рублёў (7,7 тысячы беларускіх), аднак перыядычнасць выплат на сайце не пазначаная.
У FAQ сайта адзначаюць, што кантракт могуць падпісваць і не грамадзяне Расіі — у такім выпадку ім аформяць грамадзянства на працягу двух тыдняў.
Удзельнікам абяцаюць аплаціць дарогу да месца службы, даць жыллё і харчаванне, а таксама выдаць «дадатковую амуніцыю» пры паступленні на службу.
Возьмуць з судзімасцю і без дакументаў
Пры адсутнасці дакументаў іх адновяць, калі ёсць «праблемы з законам — вырашаць». Гатовыя разглядаць заяўкі ад кандыдатаў, узрост якіх не перавышае 64 гады.
Для складання заяўкі патрабуюць толькі прозвішча, імя і нумар мабільнага тэлефона.
Патэнцыйным удзельнікам «СВА» прапануюць «зрабіць выбар на карысць стабільнасці».
Для беларусаў зрабілі мануал трапляння ў зону ваенных дзеянняў
На сайце размешчаная інструкцыя для беларусаў, як трапіць на «СВА». Для гэтага трэба запоўніць форму і абраць вакансію. Затым — прайсці сумоўе, на якім абмяркоўваюць дэталі: «тэрміны, задачы і асаблівасці службы». Фінальны этап — падпісанне кантракта добраахвотніка, які афіцыйна замацоўвае ўдзел беларуса ў «СВА».
Наёмніка што быў ва ўкраінскім палоне, вярнулі ў Расію, а затым асудзілі ў Беларусі не менш чым на 10 гадоў
Мінімум 314 беларусаў загінулі ва Украіне, ваюючы за Расію. Сталі вядомыя імёны. Ад вярбоўкі да смерці праходзіць у сярэднім паўгода
Больш за палову беларусаў з новага спісу, якія ваююць за Расію, маюць судзімасці
Украіна ў межах абмену з Расіяй перадала яшчэ аднаго палоннага беларуса. Раней пра яго палон не паведамлялася
Аліментшчык і рабочы з адміністратыўкай за п'янства. Стала вядома яшчэ пра двух беларусаў, якія ваююць за «рускі свет»
55‑гадовы гвалтаўнік з-пад Гродна шмат што паспеў за ліпень 2024‑га — і падпісаць кантракт з арміяй Расіі, і загінуць
Цяпер чытаюць
Хто забараняе ў Беларусі кнігі — вось гэтыя 22 чалавекі33
Хто забараняе ў Беларусі кнігі — вось гэтыя 22 чалавекі
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары
А яны што, не беларусы?