Суд вынес прысуд 38‑гадовай гамяльчанцы, якая падчас канфлікту смяротна параніла свайго грамадзянскага мужа. Трагедыя здарылася ў кастрычніку мінулага года пасля сумеснага застолля.
Як піша выданне «Белка», канфлікт пачаўся пасля таго, як пара праводзіла сяброўку, якая ад'язджала ў Ізраіль. Госцю правялі, і гаспадыня пачала мыць посуд. Сужыцель працягнуў выпіваць, настойваючы, каб жанчына выпіла з ім. Але яна адмовілася, тады ў ход пайшлі абразы.
Урэшце, жанчына схапіла кухонны нож і некалькі разоў ударыла ім сужыцеля. Хуткую дапамогу выклікаў сусед, які прыйшоў на гукі сваркі.
У гэты час паранены мужчына самастойна дабраўся да канапы і лёг, накрыўшыся пледам. Калі прыехала хуткая, ён спачатку адмаўляўся ад шпіталізацыі. Але потым усё ж такі паехаў у бальніцу. Выратаваць яго медыкам не ўдалося.
«Фігурантка справы нанесла сужыцелю колата-рэзаную рану ў брушную поласць, рэзаныя раны ў шчаку і грудную клетку. Паводле заключэння эксперта-псіхолага, у стане афекту яна не знаходзілася і была здольная ў поўнай меры ўсведамляць значэнне сваіх дзеянняў. За гэтае злачынства жанчына асуджаная да 9 гадоў і 6 месяцаў пазбаўлення волі ў папраўчай калоніі ва ўмовах агульнага рэжыму», — распавялі выданню ў пракуратуры Гомеля.
Цяпер чытаюць
Скандал у полацкай школе: маці сцвярджае, што яе сына збілі на трэніроўцы па дзюдо — так хлопца «выхоўваў» трэнер12
Каментары
Сожительница зарезала! Гражданская жена/подруга.
[Зрэдагавана]