Урсула фон дэр Ляен назвала адмову ад атамнай энергетыкі стратэгічнай памылкай
Эмануэль Макрон заклікаў пашырыць фінансаванне атамнай энергетыкі і паставіць яе ў адзін шэраг з аднаўляльнымі крыніцамі энергіі.
Кіраўніца Еўрапейскай камісіі Урсула фон дэр Ляен заявіла, што адмова шэрагу краін ад атамнай энергетыкі была «стратэгічнай памылкай». Пра гэта яна сказала на саміце па атамнай энергетыцы ў Францыі, дзе таксама абвясціла пра планы ЕС выдзеліць каля 200 млн еўра гарантый для прыватных інвестараў, якія ўкладваюць сродкі ў новыя ядзерныя тэхналогіі, паведамляе Bild.
Паводле яе слоў, гэтыя сродкі «будуць выдзелены з даходаў сістэмы гандлю выкідамі».
Прэзідэнт Францыі Эмануэль Макрон заклікаў пашырыць фінансаванне атамнай энергетыкі і паставіць яе ў адзін шэраг з аднаўляльнымі крыніцамі энергіі.
«Мы павінны забяспечыць падтрымку новых ядзерных праектаў так жа, як падтрымліваем аднаўляльную энергетыку», — заявіў ён.
Макрон таксама выступіў за паскоранае развіццё малых модульных рэактараў і адзначыў, што ЗША, Канада і Кітай ужо актыўна прасоўваюцца ў гэтай сферы.
Французскі лідар падкрэсліў неабходнасць больш цеснага энергетычнага супрацоўніцтва ў Еўропе і стварэння агульнага рынку электраэнергіі без выкідаў.
Палітолаг Аліна Харысава пагадзілася супрацоўнічаць з СБУ. Аказалася, гэта было КДБ36
Каментары
https://ru.wikipedia.org/wiki/%D0%A3%D1%80%D0%B0%D0%BD-235#/media/%D0%A4%D0%B0%D0%B9%D0%BB:Uranium-235_fission_products_yields_log_scale.png
І адкажыце сабе самі, ці з'яўляецца рэактар без паскаральніка тым тыпам рэактараў, якія вырашаюць галоўную праблему ядзернай энэргетыкі - адкіды.
Як жа так? Вы ж 20 год запар казалі іншае! Можа праз пару год прыдзе час, і выкажыце, сто няма бацькоў нумар адзін і два, а існуюць толькі маці і бацька?