Падсасонны расказаў, як беларускія спецслужбы падсылалі да яго агента
Былы вядучы «Белсата» Сяргей Падсасонны ў інтэрв’ю ютуб-каналу «ЧаснОК-Live» распавёў, як яго спрабавалі «раскруціць», выкарыстоўваючы ягоную арыентацыю і ягонага былога студэнта.
«З улікам савецкай рэчаіснасці, незалежным журналістам трэба памятаць пра тое, што спецслужбы паўсюль працуюць. У замежжы таксама. Гэта пад выглядам сяброўства, кампаніі. З кімсьці на піва ты ходзіш пяць гадоў, а потым аказваецца, што гэта чалавек, каторы [працуе на спецслужбы]», — даводзіць Сяргей Падсасонны.
Журналіст прыгадаў выпадак, які здарыўся з ім яшчэ падчас жыцця і працы ў Беларусі.
«Быў падасланы да мяне чалавек, адмыслова, з надзеяй на тое, што паколькі я гей, то магу як бы «раскруціцца», павесціся на сімпацягу», — з усмешкай згадвае Падсасонны і даводзіць, што ён разумеў, «у чым гульня з гэтым чалавекам».
Па словах Сяргея, спецслужбы падаслалі яго былога студэнта, які прапанаваў сустрэцца, бо нібыта хоча вучыцца далей і папрасіць парадаў.
Як тлумачыць Падсасонны, ён ніколі не адмаўляе ў дапамозе сваім студэнтам, як цяперашнім, так і былым: «Калі яны штосьці просяць, то я заўсёды ім рэкамендацыі пішу, каб яны паступілі кудысьці, парады даю і гэтак далей».
Сустрэўся ён і з гэтым маладым чалавекам. Аднак, як даводзіць мужчына, «гэта выглядала зусім пра іншае». «Гэта было вельмі прыкра».
Сяргей Падсасонны нарадзіўся ў 1981 годзе. Вучыўся ў вясковай школе ў Буда-Кашалёўскім раёне. Скончыў філалагічны факультэт Гомельскага дзяржаўнага ўніверсітэта, аспірантуру на гэтым самым факультэце і псіхалагічны факультэт ГДУ. Працаваў настаўнікам рускай, беларускай мовы і літаратуры. У 2004—2007 гадах быў выкладчыкам рускай філалогіі ў Гомельскім педагагічным універсітэце. З 2007 да 2025 года працаваў на «Белсаце». Даследчык творчасці Фёдара Дастаеўскага.
Хто забараняе ў Беларусі кнігі — вось гэтыя 22 чалавекі33
Хто забараняе ў Беларусі кнігі — вось гэтыя 22 чалавекі
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары
_______________________________________
У 2004—2007 гадах, ды i пасля гэтага, не iснавала Гомельскага педагагічнага універсітэта. Памылка у тэксце, таварыш маёр.