Кіраўнік МЗС Швэцыі Карл Більт выступіў з рэзкай крытыкай жорсткіх нападаў беларускіх уладаў на дэманстрантаў у Менску і заклікаў Захад да адпаведнай рэакцыі.
У інтэрвію швэдзкаму радыё — Sveriges Radio — Більт адзначыў, што спадзяецца на адпаведную рэакцыю, нават нягледзячы на тое, што расейскі прэзыдэнт Мядзьведзеў назваў падзеі 19 сьнежня «ўнутранымі справамі Беларусі».
Паводле Карла Більта, «вынікі выбараў ня маюць дэмакратычнай легітымнасьці». Кіраўнік замежнапалітычнага ведамства Швэцыі адзначыў магчымасьці маніпуляваньня галасамі выбарцаў з боку ўладаў і спаслаўся на матэрыялы АБСЭ, згодна зь якімі на палове выбарчых участкаў падлік галасоў быў дрэнны або вельмі дрэнны.
Швэдзкі міністар таксама асудзіў празьмернае выкарыстаньне сілы беларускімі ўладамі ў ноч на
«Мы патрабуем неадкладнага вызваленьня лідэраў апазыцыі і іншых, якія былі арыштаваныя безь ніякіх на тое падставаў», падкрэсьліў міністар.
Карл Більт дадаў, што Стакгольм, а таксама Брусэль і Вашынгтон павінны вельмі выразна нагадаць Менску, што ягоная дзейнасьць ніяк не адпавядае ўзятым ім на сябе міжнародным абавязаньням паважаць правы чалавека.
Цяпер чытаюць
Хто забараняе ў Беларусі кнігі — вось гэтыя 22 чалавекі32
Хто забараняе ў Беларусі кнігі — вось гэтыя 22 чалавекі
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары