Вясна народаў у арабаў: у Лівіі народнае паўстанне супраць «народнага» лідара
Дэманстрацыі прыхільнікаў дэмакратыі працягваюцца ў Бахрэйне, Емене, нават Джыбуці.
Дэманстрацыі прыхільнікаў дэмакратыі працягваюцца ў Бахрэйне, Емене, нават Джыбуці.
Крывавыя драмы разгортваюцца ў Лівіі. Гарады ўсхода краіны ўзняліся супраць эксцэнтрычнага дыктатара Муамара Кадафі, якія кіруе краінай ужо 41 год і рыхтуе перадачу ўлады сынам.
Паўсталі Бенгазі й Бейда. Удзельнікі дэманстрацый патрабуюць вызвалення палітвязняў і адстаўкі Кадафі. Тым часам прыдуркаваты кіраўнік Джамахірыі вывеў на вуліцы Трыпалі сяброў так званых рэвалюцыйных камітэтаў, якія фармальна кіруюць краінай. Праваабаронцы сцвярджаюць, што загінулі каля 40 дэманстрантаў. А ў Бейдзе самі дэманстранты павесілі двух агентаў спецслужбаў, якія адкрылі агонь па пратэстоўцах.
Кроў пралілася і ў Бахрэйне — маленькім нафтавым каралеўстве ў Персідскай затоцы. Там шыіцкая большасць і свецкая інтэлігенцыя патрабуюць пераходу да канстытуцыйнай манархіі.
У Емене студэнты з адчайнай, ахвярнай настойлівасцю працягваюць свае дэманстрацыі. І Емен, і Бахрэйн залежаць ад амерыканскай дапамогі, што дае Захаду рычагі для стрымлівання рэпрэсій.
Нарэшце, упершыню ў гісторыі прадэмакратычны рух распачаўся ў маленькім Джыбуці — рэспубліцы, заціснутай між Эфіёпіяй і Самалі на стратэгічным перашыйку між Чырвоным морам і Індыйскім акіянам. Дэманстранты там выступілі супраць спробы прэзідэнта застацца на трэці тэрмін.
Нечакана могуць скончыцца і выбары ва Угандзе — афрыканскай краіне, дзе некалькі дзесяцігоддзяў кіруе мяккі аўтарытарны кіраўнік Ёвэры Мусэвэні. На гэты раз апазіцыя поўная жадання змяніць уладу.
Цяпер чытаюць
Хто забараняе ў Беларусі кнігі — вось гэтыя 22 чалавекі32
Хто забараняе ў Беларусі кнігі — вось гэтыя 22 чалавекі
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары