У рэдакцыю «НН» паскардзіўся кіроўца баранавіцкага аўтобуснага парка.
«Кіроўцы на іншых прадпрыемствах атрымліваюць не менш за нас, але мы не дровы возім, а людзей — адказнасць большая», — напісаў у «НН» кіроўца баранавіцкага аўтобуснага парка. Ён піша, што заробкі ў кіроўцаў складаюць каля 2 мільёнаў, іх не падвышалі ад апошняй дэвальвацыі. Яшчэ адна праблема — адсутнасць запчастак і рамонтных камплектаў. «Кіраўніцтва парка і займаецца тым, што парадкуе тэрыторыю. Але дакладна як у краіне: толькі каб звонку ўсё прыгожа, а што ў сярэдзіне бардак — нікога не цікавіць».
Аўтар ліста падкрэсліў, што кіроўцы не могуць страйкаваць. «Праблем шмат, але ці будуць яны вырашаныя?» — задаецца пытаннем кіроўца.
Тэма заробкаў аўтобуснага парка фігуравала сёлета ў мясцовай прэсе. Газета «Іntex-press» пісала ў ліпені са спасылкай на адміністрацыю парка, што сярэдні заробак кіроўцаў складае каля 2,2 млн рублёў. На сайце выдання пад тым артыкулам разгарэлася дыскусія. Многія чытачы пісалі, што памер заробку, указаны ў тэксце, завышаны. «Пра якія 2,2 млн. размова? Я працую там практычна без выходных і максімум, што мне налічваюць — 1,5 млн», — напісаў адзін з чытачоў. Іншыя згадвалі праблему састарэлага парка аўтобусаў.
У адміністрацыі парка карэспандэнту «НН» паведамілі, што агучаныя ў лісце праблемы не маюць пад сабой грунту. Там расказалі, што сярэдні заробак кіроўцаў аўтобусаў у кастрычніку склаў каля 2,7 мільёнаў. Няма і праблем з рамонтнымі камплектамі і запчасткамі. «Калі хтосьці з кіроўцаў у часе рэйса сутыкаецца з сур’ёзнай паломкай, мы высылаем яму іншы аўтобус, таму ніхто не губляе ў заробках на прастоях», — запэўнілі ў аўтапарку.
-
Статкевіч: Для Беларусі можа стварыцца такая сітуацыя, што ўсе дзяржавы вакол нас будуць мець ядзерную зброю
-
Стаўка большая, чым жыццё: што азначае ліст Зяленскага Пуціну
-
Палітвязень Кім Самусенка параўнаў свет на моманты яго пасадкі і вызвалення: Усё нядрэнна для еўрапейскай цывілізацыі, а значыць, і для беларусаў
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары