Міністр замежных спраў Швецыі Карл Більт назваў «глупствам» абвінавачанні, што прагучалі ў адрас шведскага пасла Стэфана Эрыксана з беларускага боку.
«Сапраўднае глупства, — напісаў Більт у „Твітары“, каментуючы сюжэт пра шведскага дыпламата, паказаны беларускім тэлеканалам АНТ. — Беларускія дзяржаўныя медыя запусцілі кампанію паклёпу на Швецыю і нашага пасла».
Як ужо паведамлялася, канал АНТ абвінаваціў Стэфана Эрыксана ў падрыхтоўцы «арабскай вясны» ў Беларусі. «Ёсць інфармацыя, што ў 2010 годзе Стэфан Эрыксан неаднаразова асабіста перадаваў інструкцыі, грошы радыкальным групоўкам, экстрэмістам, якія рыхтавалі сілавую акцыю супраць Беларусі накшталт «арабскай вясны», — было заяўлена вечарам 3 жніўня.
У перадачы таксама сцвярджалася, што шведская дыпмісія ў Мінску была замешана ў кантрабандзе: «5 чэрвеня 2012 года праваахоўнымі органамі Беларусі была спынена спроба ўвозу партыі літаратуры невядомага зместу ў буйным аб’ёме без неабходных суправаджальных тлумачальных дакументаў. Пасля адмовы даць доступ да грузу аўтамабіль пасольства Швецыі выехаў на тэрыторыю Літвы. Пасол Эрыксан фактычна пакрываў кантрабанду».
Цяпер чытаюць
Хто забараняе ў Беларусі кнігі — вось гэтыя 22 чалавекі15
Хто забараняе ў Беларусі кнігі — вось гэтыя 22 чалавекі
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары