U Mahilovie adbyłosia aficyjnaje adkryćcio festyvalu duchoŭnaj chryścijanskaj muzyki «Mahutny Boža». Sioleta jon prachodzić piatnaccaty raz. Adkryćcio festyvalu pryjšli pabačyć bolš za tysiaču hledačoŭ, pieravažna žančynaŭ. Siarod hanarovych haściej festyvalu byli ambasadarka Złučanych Štataŭ Ameryki Karen Stjuart dy rasiejski ambasadar Alaksandar Surykaŭ.
Było zaŭvažna, što na ŭračystym adkryćci festu byŭ vykanany tolki muzyčny frahment z tvoru Mikałaja Ravienskaha i Natalli Arsieńjevaj «Mahutny Boža», a nie znakamitaja malitva całkam.
Usie reklamnyja materyjały pra festyval vykananyja pa-rasiejsku. Na adkryćci staršynia mahiloŭskaha harvykankamu Viktar Šorykaŭ u svajoj pramovie nivodnaha słova nie skazaŭ pa-biełarusku.
Balšynia ŭdzielnikaŭ festyvalu – ź Biełarusi i Rasiei. U prahramie festyvalu značycca pa adnym udzielniku z Polščy, Ukrainy, Serbii, Italii, Niamieččyny. Sioleta arhanizatary festyvalu admovilisia ad konkursnaj prahramy.
Kamientary