Łukašenka skazaŭ, kali paličyć svaju misiju skončanaj
“Mond” nadrukavała narešcie interviju ź biełaruskim kiraŭnikom. Piša ŭ svaim błohu Alaksandar Kłaskoŭski.
“Mond” nadrukavała narešcie interviju z Łukašenkam. Darečy, jašče try dni tamu. Frahmenty padaje siońnia “Radyjo Svaboda”. Astatnija resursy, zdajecca, i ŭvohule praspali. Što lišni raz padkreślivaje našu pravincyjnaść u eŭrapiejskaj systemie kaardynat.
Znaŭcy francuskaj mohuć pačytać tekst całkam voś tut.
Ahulnaje uražańnie: žorstki ton, nijakich zalacańniaŭ. Krasamoŭny ŭžo sam zahałovak, u jakim vusnami biełaruskaha kiraŭnika NATO abviaščajecca niezakonnaj arhanizacyjaj. Pretenzii Zachadu što da stanu demakratyi adkidajucca z paroha. Tak što tyja, kamu kolki času tamu prymroiłasia adliha, mohuć adpačyvać.
Uvohule ž francuskamu čytaču prapanujecca karotki kurs biełaruskaj idealohii: ad zhadki pra kožnaha treciaha, zahibłaha padčas druhoj suśvietnaj, da zajavy, što ŭ nas nia strašna chadzić pa vulicach.
Nia budu raźbirać pa kostačkach kožny pasaž, zaznaču tolki, što nakont “piatnaccaci apazycyjaŭ” – ź kim, maŭlaŭ, dyjaloh ładzić? – nie ŭ bryvo, a ŭ voka.
U kantekście adkazu pra los sajuzu z Rasiejaj ahučanaja niezaležnickaja teza: Biełaruś nikoli nia stanie častkaj susiedniaj dziaržavy. Francuzam ža robicca namiok na mahčymaść udziełu ŭ prajekcie AES.
Nu, i samaje intryhoŭnaje: ci nie stamiła šapka Manamacha?
Łukašenka skazaŭ, što paličyć svaju misiju vykananaj, jak tolki biełarusy dasiahnuć francuskaha ŭzroŭniu dabrabytu.
ZY. Pošuk na sajcie “Mond” pa proźviščy Milinkieviča za apošni tydzień vynikaŭ nie daje. Musić, francuzy vyrašyli nie dražnić husiej i nie davać paralelna hutarku z apazycyjnym lideram (ź im taksama sustrakaŭsia tady karespandent vydańnia).
I jašče štrych: interviju ź biełaruskim prezydentam vystavili na sajcie całkam u adkrytym dostupie, miž tym jak za balšyniu artykułaŭ, kali ja pravilna razabraŭsia ŭ ichniaj kapitalistyčnaj systemie:), treba płacić.
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary