Prakuratura nakiravała spravu biznesoŭca Źmitra Siańka, jaki byŭ mužam Volhi Kazulinaj, u sud Centralnaha rajonu stalicy.
Na pačatku 2004 hoda firma atrymała kredyt u miljon dołaraŭ pad 12 adsotkaŭ hadavych, adnak praz peŭny čas bank u adnabakovym paradku padvysiŭ staŭku spačatku da 18, a potym da 25 adsotkaŭ. U vyniku firma zbankrutavała.
Źmicier Siańko dva hady namahaŭsia dakazać, što viarnuŭ by kredyt, kali b bank nie źmianiŭ umovy, i navat vykryŭ, što kiraŭnictva banka padrabiła jaho podpis na dakumientach, pavodle jakich jon davaŭ zhodu na padvyšeńnie staŭki. Adnak skarhi biznesmiena ŭ Kamitet dziaržkantrolu, Prakuraturu, KDB zastavalisia biez razhladu. Kali sud pryznaje Źmiciera Siańko vinavatym, jamu pahražaje pazbaŭleńnie voli na termin ad 2 do 5 hod.
Kamientary