U rasiejskim Ministerstvie finansaŭ zajavili, što Biełaruś nia zmoža atrymać ilhotnaha kredytu. Pieramovy ŭ hetym pytańni premjeraŭ Biełarusi i Rasiei skončylisia biezvynikova.
U rasiejskim Ministerstvie finansaŭ zajavili, što Biełaruś nia zmoža atrymać ilhotnaha kredytu. Pieramovy ŭ hetym pytańni premjeraŭ Biełarusi i Rasiei Siarhieja Sidorskaha i Michaiła Fradkova skončylisia biezvynikova.
Namieśnik dyrektara Departamentu mižnarodnych finansavych adnosinaŭ rasiejskaha Minfinu Kanstancin Vyškoŭski skazaŭ Radyjo Svaboda, što ŭrad nie pryniaŭ kančatkovaha rašeńnia adnosna kredytu. Aficyjny Miensk prosić 1,5 miljarda dalaraŭ.
«Nieabchodnaja jašče dadatkovaja dapracoŭka, tłumačeńni našych viedamstvaŭ. Bo ŭčora była sustreča premjeraŭ, i na joj kančatkovaha rašeńnia pryniata nie było».
Paśla ŭzhadnieńnia novych detalaŭ Minfin znoŭ padać spravazdaču rasiejskamu ŭradu. Ale ci atrymaje aficyjny Miensk ilhotny kredyt ad Rasiei? Kanstancin Vyškoŭski skazaŭ:
«My nie dajom ilhotnych kredytaŭ. Rasiejskaj praktykaj heta pakul nie praduhledžana. Umovy musiać być rynkavyja, a nie ilhotnyja. Rasiejskaja Federacyja nie daje pakul ilhotnych kredytaŭ. Tak zvanyja kredyty dapamohi raźvićciu — my pakul staim tolki na pačatku šlachu. Jość tolki kancepcyja dapamohi raźvićciu. Precedenty, jakija mieli miesca, u tym liku i ŭ stasunkach ź Biełaruśsiu, adnosilisia tolki da kredytaŭ na rynkavych umovach».
Jakija ž pytańni naležyć dapracavać? Pradstaŭnik rasiejskaha Minfinu patłumačyŭ:
«Pa ŭsim kompleksie pytańniaŭ datyčnych ekanamičnaj sytuacyi ŭ Biełarusi, źviazanych z płaciožnym balansam. Urad choča pierakanacca i pahladzieć u vyniku jakich zachadaŭ i za košt jakich krynicaŭ prybytku hety kredyt budzie vypłačvacca».
Mierkavany kredyt, pavodle Kanstancina Vyškoŭskaha, pojdzie na finansavańnie vydatkaŭ biełaruskaha biudžetu, na pakryćcio deficytu ci časovaha finansavaha razryvu. Aficyjny Miensk zmoža vykarystoŭvać hetyja srodki na finansavańnie biahučych vydatkaŭ biudžetu. U tym liku j na płaciažy za pastaŭki rasiejskaha hazu ŭ Biełaruś.
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary