Vital Radzivonaŭ ― adzin ź niešmatlikich biełaruskich spartsmienaŭ, jaki maje aktyŭnuju hramadskuju pazicyju.Niadaŭna jon pieršy adhuknuŭsia na prapanovu maładoha režysiora źniacca ŭ sacyjalnym roliku «Futboł ― heta…». I vyrašyŭ paralelna z papularyzacyjaj futboła zrabić rekłamu biełaruskaj movy.
Ci šmat vy viedajecie nieabyjakavych spartsmienaŭ, jakija kłapociacca pra movu?
Vital Radzivonaŭ:
U spartovym asiarodku časta sustrakaju pohlady ŭ padtrymku rodnaha słova. Nie tolki siarod futbalistaŭ.Kali ŭdajecca pabačycca na niejkich mierapryjemstvach ź viadučymi spartsmienami, to čuju takija mierkavańni. Z Sašaj Hierasimieniaj, naprykład, my pierasiakalisia na akcyjach i mierapryjemstvach. Heta absalutna narmalnaja pazicyja hramadzianina svajoj krainy. Tut niama čaho abmiarkoŭvać. Jość takija ludzi i ŭ našaj kamandzie.
U BATE vas nazyvajuć Prafiesaram. Cikava, jakaja ŭ vas adukacyja?
Vital Radzivonaŭ: Skončyŭ univiersitet fizičnaj kultury. A ŭ hetym hodzie atrymaŭ dypłom ekanamičnaha ŭniviersiteta. Tut, darečy, navučalisia Alaksandra Hierasimienia, Daša Domračava.
Ci vučyli vy ŭ škole biełaruskuju movu? Bo časta zdarajecca tak, što ludzi ŭ dziciačym uzroście nie nadajuć hetamu pytańniu ŭvahi. A ŭ stałym ― pačynajuć razumieć aktualnaść.
Vital Radzivonaŭ: Ja byŭ takim samym chłopcam. Nu, małady, adnym słovam. Naturalna, ja niešta čytaŭ ― vieršy, tvory. Zakłaŭ u školnyja hady peŭnuju bazu. Ale, što tut kazać, u paŭsiadzionnym žyćci mova sustrakajecca nie tak časta. Jana isnuje na dadzieny momant, kab moładź nie zabyvałasia na svaje karani. Situacyja skłałasia
Tamu ŭ mianie vielmi mocnaja ŭnutranaja pavaha da ludziej, jakija siońnia razmaŭlajućpa-biełarusku . Mnie zdajecca, što ŭ nas takich ludziej robicca bolš.
Tekst dla rolika vam pierakłaŭ Lavon Volski. Ci padabajecca vam niechta ź biełaruskich muzykaŭ, jakija zajmajucca raskrutkaj movy?
Vital Radzivonaŭ: Jość našy «Pieśniary» ― lehiendarny hurt. Jość «Biełaruskija pieśniary», jany ŭ 2011 hodzie vystupali ŭ nas na ŭhanaravańni kamandy. Nie mahu skazać, što ja fanat niejkich peŭnych muzyčnych stylaŭ. Ale novuju biełaruskamoŭnuju muzyku, jakuju čuju pa radyjo, mnie słuchać cikava, navat vielmi. Viedaju Lavona taho ž, «Lapisaŭ».
Kali BATE pačało hulać u Lizie čempijonaŭ, Viktar Hančarenka zaklikaŭ zaŭziataraŭ być bolš kulturnymi. Ździŭlała situacyja, kali mnohija biełarusy prychodzili na stadyjon najpierš pahladzieć na «Juvientus» i «Reał». Vykazvajucca dumki, što ŭ pieršuju čarhu biełaruskaja mova mahła b dapamahčy vychavać našych zaŭziataraŭ bolš patryjatyčnymi i kulturnymi. Ci zhodny vy z hetym?
Vital Radzivonaŭ:
Zrazumieła, mnie zdajecca, u hetym kirunku varta ruchacca našamu sportu, heta adnaznačna. Adzinaje, naturalna, nie ŭsio adrazu. Nie praz hod ci dva biełaruskaja mova ŭvojdzie va ŭžytak pa ŭsich śfierach.Pavinna prajści šmat času, i nieabchodna rabić kroki, kab rodnaja mova ŭvachodziła ŭ žyćcio hramadzian. A sport moža stać adnoj ź placovak dla rekłamy movy. Karaciej, futboł pavinien u hetym pytańni dapamahčy. Mnie zdajecca, našym kiraŭnikam varta ŭžo zadumvacca, jakija kroki rabić. Heta było b cudoŭna.
Vital, jak vy siabie zaraz adčuvajecie, jak zdaroŭje?
Vital Radzivonaŭ: Dobra. Ale paśla matču našaj zbornaj ź Finlandyjaj nie zusim dobry nastroj. Pa vyniku dźviuch hulniaŭ vynik atrymaŭsia katastrafičny ŭ paraŭnańni z tym, na jaki my raźličvali. Na hety kont unutry adčuvaju niehatyŭ.
Zaraz šmat pišuć, što ŭ narodnaj kamandy BATE zdaryŭsia spad. U čempijanacie abyšoŭ «Šachcior». Vykazvajucca mierkavańni, što kamanda raźličvaje takim čynam vyjści na pik padčas jeŭrakubkaŭ. Ci mahli b vy patłumačyć, što ciapier adbyvajecca?
Vital Radzivonaŭ: Ja nie sumniavajusia, što ŭ nas usio budzie dobra. Chočacca, kab heta ŭpeŭnienaść pieradavałasia zaŭziataram. Što tyčycca spadu, to heta spartovaja statystyka. Praź niejki čas u kamand zdarajecca spad, kali ciaham hadoŭ znachodzišsia na vysokim uzroŭni. Chočacca dumać, što hety spad, hety kryzis u nas užo skončyŭsia. My vielmi plonna abmierkavali heta pytańnie na bazie, vuzkim kołam, kamandaj. Vynajšli pryčyny taho stanu, u jaki patrapili. Miarkuju, zaraz u nas budzie padjom uharu.
Niadaŭna paznajomiŭsia z takim vyrazam: časam čornaja pałasa pieraŭtvarajecca va ŭźlotnuju.Chočacca vieryć, što ŭsio budzie cudoŭna, i hety hod budzie bolš paśpiachovym za papiaredni.
Kamientary