Načalstva Mahiloŭskaj kałonii №15 źniała zabaronu na praduktovyja pieradačy dla Arcioma Prakapienki.
Pra heta paviedamiŭ jaho baćka Anatol Prakapienka.
«My ciapier viartajemsia z Mahilova. Nam udałosia pieradać Arciomu 35 kiłahramaŭ praduktaŭ, ź jakich piać kiłahramaŭ sadaviny. My vielmi radyja, što nam udałosia zrabić pieradaču, tamu što pieražyvali, što jaho mahli znoŭ ich pazbavić, jak heta było 4 sakavika», — skazaŭ baćka palityčnaha viaźnia.
Jon dadaŭ, što status «złosnaha parušalnika» z Arcioma pakul što nie źniaty, i dla hetaha treba adsiedzieć hod biez parušeńniaŭ.
«Syna my nie bačyli, ale viedajem, što jon trymajecca. Ja adčuvaju, što jamu ciažka, ale jon nie padaje vyhladu. Niadaŭna jon telefanavaŭ i skazaŭ, što padaŭ zajavu na navučańnie prafiesii mulara, ale rašeńnia pakul što niama. Jon choča atrymać śpiecyjalnaść, bo siadzieć jašče 4,5 hoda», — adznačyŭ Anatol Prakapienka.
Nahadajem, u sakaviku hetaha hoda Arciom Prakapienka nibyta za parušeńnie režymu adbyŭ piać sutak u karcary, dzie admaŭlaŭsia ad ježy. Na palitviaźnia cisnuli, kab jon padpisaŭ prašeńnie ab pamiłavańni, ale jon admoviŭsia.
Arciom Prakapienka byŭ asudžany razam ź Jaŭhienam Vaśkovičam i Paŭłam Syramałotavym na 7 hadoŭ źniavoleńnia nibyta za sprobu padpału dźviarej Babrujskaha adździeła KDB.
Ciapier čytajuć
«Biada, na vialiki žal, užo stupaje na paroh Siniavokaj». Ultymatum Zialenskaha Łukašenku: što budzie dalej?56
Kamientary