Dźmitryjeŭ: Siońniašniaja akcyja milicyi — dobry treninh pa pabudovie kamandy
24 žniŭnia supracoŭniki milicyi zatrymali 30 aktyvistaŭ «Havary praŭdu» ŭ ofisie, dzie prachodziŭ schod rehijanalnaha aktyvu. Zatrymanych pratrymali ŭ milicyi bolš za try hadziny.
Pavodle słoŭ namieśnika staršyni «Havary praŭdu» słoŭ Andreja Dźmitryjeva, milicyjaj byli kanfiskavanyja drukavanyja materyjały, źviazanyja z «Narodnym refierendumam».
«U cełym toje, što adbyvałasia, vyhladała jak sproba zapałochać aktyvistaŭ. Da nas jak raz pryjechała šmat novych ludziej z rehijonaŭ. Adnak, ja dumaju, što hetaha uładam zrabić nie ŭdałosia, a atrymałasia chutčej naadvarot — dobry treninh pa pabudovie kamandy. Usie vyjšli ź milicyi ŭ narmalnym nastroi, abmierkavali, što budziem rabić dalej», — adznačyŭ namieśnik staršyni» Havary praŭdu».
Kamientary