Papa — mitrapalitu Kandrusieviču: Chaču viedać usie aśpiekty spravy ksiandza Łazara
3 kastryčnika Papa Francišak pryniaŭ udzielnikaŭ kanfierencyi Papskaj rady «Iustitia et pax», jakaja adbyvajecca ŭ Rymie z nahody 50-hodździa encykliki Jana CHCHIII «Pacem in terris» («Mir na ziamli») i ŭ jakoj prymaje ŭdzieł Mitrapalit Minska-Mahiloŭski arcybiskup Tadevuš Kandrusievič. Padčas aŭdyjencyi Mitrapalit asabista sustreŭsia z Papam.
Biełaruski ijerarch pieradaŭ Pantyfiku jaho pieršuju encykliku «Lumen fidei» («Śviatło viery»), pierakładzienuju na biełaruskuju movu i vydadzienuju, painfarmavaŭšy ab tym, što ŭ Minsku adbyłasia jaje prezientacyja. Śviaty Ajciec padziakavaŭ i ŭvažliva pierahledzieŭ vydańnie.
Zatym Papa sam zadaŭ pytańni nakont stanovišča śviatara Uładzisłava Łazara.
Pry hetym Pantyfik vykazaŭ vialikuju zaniepakojenaść situacyjaj ź jaho aryštam, padobna jak učyniŭ heta 30 vieraśnia padčas aŭdyjencyi dla Apostalskaha Nuncyja ŭ Biełarusi arcybiskupa Kłaŭdya Hudžeroci. Papa padkreśliŭ, što choča asabista viedać usie padrabiaznaści hetaj spravy i toje, jak jana budzie vyrašacca, paviedamlaje catholic.by.
Nahadajem, što biełaruskamu ksiandzu Uładzisłavu Łazaru stavicca ŭ vinu pieradača hrošaj i materyjalnych kaštoŭnaściaŭ čałavieku, jaki abvinavačvajecca ŭ špijanažy na karyść inšaj dziaržavy.
Jon abvinavačvajecca pavodle p. 1 art. 356 Kryminalnaha kodeksa (zdrada dziaržavie). Jaho kryminalnaja adkaznaść vyznačajecca p. 6 art. 16 KK (sadziejničańnie ŭ złačynstvie), što praduhledžvaje termin pakarańnia ad 7 da 15 hadoŭ. Ks. Łazar ŭtrymlivajecca ŭ turmie SIZA KDB u Minsku. Infarmacyju pra heta raspaŭsiudziła Kanfierencyja katalickich biskupaŭ Biełarusi, što adbyłosia 12 vieraśnia.
Ksiondz Uładzisłaŭ Łazar — hramadzianin Biełarusi, vučyŭsia ŭ Hrodzienskaj sieminaryi, zatym u Polščy. U krasaviku hetaha hoda byŭ pryznačany administrataram z pravami probašča parafii Spasłańnia Duchu Śviatoha ŭ Barysavie. Raniej słužyŭ u Mar`inaj Horcy i Rudziensku (Puchavicki rajon Minskaj vobłaści).
Ciapier čytajuć
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami15
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4949
Kamientary