Sanitarnaja słužba z paniadziełka prypyniła pastaŭki ŭ Rasiju małočnaj pradukcyi ź Litvy z-za pretenzij da jakaści, paviedamiŭ Interfaksu kiraŭnik Rasspažyŭnahladu, hałoŭny dziaržaŭny sanitarny ŭrač Rasii Hienadź Aniščanka.
Jon śćviardžaje, što ŭ šerahu litoŭskich małočnych praduktaŭ vyjaŭlenyja droždžy i ćvil u kolkaści, jakaja značna pieravyšaje narmatyvy.
«Nami nakiravanyja ŭ kampietentnyja orhany adpaviednyja dakumienty, sutnaść jakich — poŭnaja prypynieńnie dostupu małočnaj pradukcyi Litvy na rasijski rynak», - cytuje ahienctva Aniščanku.
U liku pastaŭščykoŭ, da jakich Rasspažyŭnahlad pradjaŭlaje pretenzii - «Piena Žvajhždzies», « Šyłutes Rambinas», «Svala», « Rokiškia cikras».
Litoŭski bok pakul nie kamientavaŭ zajavu kiraŭnika Rasspažyŭnahlada.
Kamientary