Učora spoŭniłasia 13 hadoŭ majmu śviatarstvu. 9 kastryčnika 1994 hoda, u dzień pamiaci śviatoha apostała i jevanhielista Iaana Bahasłova mitrapalit Fiłaret rukapakłaŭ mianie z dyjakana ŭ preśvitary. Z błohu a. Alaksandra Šramka
Darečy, mienavita preśvitar, a nie śviatar, jak pryniata kazać, bo ŭ chryścijanstvie ŭ pryncypie ŭsieahulnaje śviatarstva ŭ adpaviednaści z słovami apostała Piatra: «vy - rod vybrany, carskaje śviatarstva, narod śviaty, ludzi nabytyja, kab abviaščać daskanałaść Taho, Chto vyklikaŭ vas ź ciemry ŭ cudoŭnaje Svajo śviatło»
(1Piat.2:9)
Dyk voś adbyłasia hetaja padzieja nie ŭ Miensku, a ŭ Barysavie, u Śviata-Uvaskrasienskim sabory.
Tudy pajechaŭ mitrapalit słužyć u suviazi ź jubilejam i imianinami nastajaciela, maścitaha, jak kažuć, prataijareja. Nu i mianie zachapili. Tym bolš chiratonija nadaje bolšaj uračystaści słužbie.
Chram pabudavany ŭ siaredzinie 19-ha stahodździa. Pamiataju, kali my tam słužyli, było dva prydzieły – sv́jatoha kniazia Ŭładzimira i śviatoj kniahini Volhi. Što asabliva spadabałasia majoj žoncy Volzie, bo nie časta sustrenieš chram u imia jaje śviatoj. Praŭda, prydzieł Volhi byŭ bolš pa naźvie, čym pa sutnaści. Bo ŭ hetym miescy za ikanastasam byŭ nie ałtar, a panamarka – miesca dzie rychtujuć roznyja rečy dla słužby, raspalvajuć kadziła i h. d. I było vielmi bačna, što navat da pryjezdu mitrapalita nie zmahli tam navieści paradak z-za paŭsiudna rastykanaha tam chłamu. Navohuł u vočy kidałasia ahulnaja zapuščanaść saboru. Ramont rabiŭsia nieviadoma kali, navat treščyny byli pa murach. Heta tym bolš uražvała, što vielmi kantrastavała z vonkavym davoli pryhožym vyhladam. Pry hetym, nia hledziačy nie na što, u vinšavalnych pramovach kazali pra niaspynny kłopat nastajaciela ab chramie.
Zaraz ja dumaju, ci nie było heta znakam taho, što mnie pryjdziecca zajmacca tym, što źviartać uvahu na jaŭnuju zapuščanaść usioj carkvy navohuł, pry tym, što pryniata kazać tolki pra «roskvit pravasłaŭja».
Cikava i to, što jak ja niadaŭna daviedaŭsia, zamiest prydzieła śviatoj Volhi ŭ sabory ciapier prydzieł śviatoha Alaksandra Nieŭskaha – heta ŭžo majho śviatoha. I kali prydzieł pieraaśviečany i dziejničaje, to ŭsio ž jaho pryviali ŭ paradak. Moža heta taksama znak? Znak taho, što mahčymy paradak i navohuł u carkvie.
Ciapier čytajuć
Biełaruskuju movu na CT vybiraje ŭsio mienšaja dola vypusknikoŭ škoł. Kali 20 hadoŭ tamu jaje zdavała amal pałova, ciapier — tolki kožny šosty5
Kamientary