Kijeŭ: štab nacyjanalnaha supracivu abjaŭlaje mabilizacyju na Majdanie
Štab nacyjanalnaha supracivu prosić kijaŭlan vyjści na Majdan 28 studzienia a 12.00.
Pra heta ŭ paniadziełak na pres-kanfierencyi abviaściŭ kaardynatar Štaba Alaksandr Turčynaŭ, paviedamlaje pres-słužba «Baćkaŭščyny».
«Pryjdzicie zaŭtra, a 12.00, i padtrymajcie deputataŭ, jakija hatovyja ŭziać na siabie adkaznaść i admianić dyktatarskija zakony», — skazaŭ jon.
«Padtrymajcie tych, chto hatovy prahałasavać za svabodu palitviaźniaŭ i zakryćcio suprać ich usich spraŭ, za adstaŭku ŭrada i adnaŭleńnie Kanstytucyi 2004 hoda, a razam ź joj kanstytucyjnaha ładu Ukrainy», — zaklikaŭ Turčynaŭ.
Pavodle jaho słoŭ, u aŭtorak budzie mahčymaść mirnym šlacham vyrašyć «tuju strašnuju situacyju, jakaja skłałasia siońnia».
«Zaŭtra jość mahčymaść spynić supraćstajańnie i adnavić pravy našych hramadzian, adnavić praces jeŭraintehracyi, adnavić praces narmalnaha funkcyjanavańnia našaj krainy, za što realna zmahajucca siońnia ŭsie aktyvisty i patryjoty Majdanu», — reziumavaŭ Turčynaŭ.
Ciapier čytajuć
Milicyja zatrymała taho samaha rasijskaha turysta, jaki kinuŭ niedakurak na vulicy. Zaŭtra sud33
Kamientary