Baćki prosiać adpuskać dziaciej z «pradlonki». Dva školniki ŭ Homieli patanuli. Ci vinavatyja nastaŭniki?
Pra vyniki pravierki pa fakcie ŭtapleńnia ŭ pratocy Vołatava ŭ Homieli dvaich druhakłaśnikaŭ ŭ śniežni 2014 hoda paviedamiła aficyjny pradstaŭnik Homielskaha abłasnoha ŭpraŭleńnia SK Maryja Kryvanohava.
Było ŭstanoŭlena, što 4 śniežnia 2013 hoda, pakinuŭšy hrupu padoŭžanaha dnia, troje navučencaŭ adpravilisia katacca na lod vadajoma, lod prałamaŭsia, i dzieci apynulisia ŭ vadzie. Ich kryki pačuli piacikłaśnik ź siastroj, paklikali darosłych. Minaki vyratavali adnaho z bratoŭ-bliźniat. Jašče dvaich siamihadovych chłopčykaŭ vyratavać nie ŭdałosia. Ich cieły vytiahnuli na bierah užo supracoŭniki MNS.
Akazałasia, što vychavacielka hrupy padoŭžanaha dnia adpuściła hetych traich školnikaŭ dadomu raniej za ŭstanoŭleny čas na padstavie zajaŭ ad baćkoŭ, jakija jana mieła i zmahła pradjavić.
Pa vynikach praviedzienaj pravierki ŭniesiena pradstaŭleńnie va ŭpraŭleńnie adukacyi Homielskaha abłvykankama ab pryviadzieńni režymu pracy hrup padoŭžanaha dnia ŭ adpaviednaść ź dziejučym zakanadaŭstvam.
Da strohaj dyscyplinarnaj i materyjalnaj adkaznaści pryciahnuty dyrektar SŠ № 72 Homiela, try jaho namieśniki i vychavacielka hrupy padoŭžanaha dnia.
Ciapier čytajuć
Siarhiej Cichanoŭski pierabraŭsia žyć u Łos-Andželes29
Kamientary