Były namieśnik staršyni kancerna «Biełnaftachim» Uładzimir Vołkaŭ, praces nad jakim pačaŭsia 14 krasavika ŭ sudzie Maskoŭskaha rajona Minska, nie pryznaŭ siabie vinavatym u vystaŭlenych jamu złačynstvach, praduhledžanych častkaj 3 artykuła 430 Kryminalnaha kodeksa.
Spravu razhladaje sudździa suda Maskoŭskaha rajona Natalla Kuźniacova.
Vołkaŭ abvinavačvajecca ŭ tym, što, źjaŭlajučysia słužbovaj asobaj, na praciahu 2013 hoda prymaŭ materyjalnyja kaštoŭnaści za spryjalnaje vyrašeńnie pytańniaŭ, jakija ŭvachodzili ŭ jaho kampietencyju, u pryvatnaści źviazanych z uvozam i vyvazam vuhlevadarodnaj syraviny i praduktaŭ jaje pierapracoŭki.
Zhodna z abvinavačvańniem, chabar Vołkaŭ atrymlivaŭ z 26 lutaha pa 7 kastryčnika 2013 hoda ŭ svaim słužbovym kabiniecie za vyrašeńnie pytańniaŭ ab eksparcie bitumu ŭ intaresach šerahu kamiercyjnych arhanizacyj. Pieršy chabar byŭ im atrymany 26 lutaha ad pradstaŭnika TAA «Tera». Usiaho za vosiem razoŭ im było atrymana 22 tys. dołaraŭ, apošni raz — 7 kastryčnika.
Pierad dopytam śviedak Vołkaŭ źviarnuŭ uvahu suda na toje, što ŭ zale znachodzicca vysokapastaŭleny pradstaŭnik hałoŭnaha ŭpraŭleńnia pa baraćbie z arhzłačynnaściu i karupcyjaj MUS. Na dumku Vołkava, «jaho prysutnaść moža paŭpłyvać na pakazańni śviedak». «Heta majo ŭnutranaje pierakanańnie», — zajaviŭ Vołkaŭ. Adnak sud adchiliŭ zajaŭlenaje abvinavačanym chadajnictva.
Ciapier čytajuć
Zornaja biełaruskaja intelektuałka pajšła na realici ad TNT — budzie plaści intryhi, kab atrymać 100 tysiač jeŭra7
Kamientary