Kamandujučy Nachvardyjaj: Słaviansk praktyčna ačyščany ad terarystaŭ
Svaimi prafiesijnymi dziejańniami bajcy Nacyjanalnaj hvardyi Ukrainy praktyčna ačyścili Słaviansk (Danieckaja vobłaść) ad terarystaŭ. Pra heta zajaviŭ kamandujučy Nachvardyjaj Ściapan Pałtarak, — pieradaje pres-słužba MUS.
Jon raspavioŭ, što padčas vykanańnia apieracyi siarod Nachvardyi niama zabitych i paranienych.
U toj ža čas štab antyterarystyčnaj apieracyi źviarnuŭsia da kiraŭnikoŭ terarystyčnaj hrupy, jakaja zachapiła Słaviansk, z ultymatyŭnym patrabavańniem vydać usich zakładnikaŭ, jakija niezakonna ŭtrymlivajucca ŭ horadzie.
Pra heta paviedamiŭ daradca ministra ŭnutranych spraŭ Ukrainy Anton Hieraščanka.
Štab Antyterarystyčnaj apieracyi prapanuje šarahovym bajevikam dobraachvotna zdavacca ŭ pałon antyterarystyčnym siłam i zdavać svaju niezakonna zachoplenuju zbroju.
U vypadku dobraachvotnaj zdačy ŭ pałon šarahovym bajevikam, jakija nie ździejśnili ciažkich i asabliva ciažkich złačynstvaŭ, harantujecca biaśpieka i chadajnictva orhanaŭ śledstva i prakuratury.
Sihnał dla dobraachvotnaj zdačy ŭ pałon — biełaja paviazka na hałavie i zbroja pieraviedzienaja ŭ niebajavy režym našeńnia rulaj uvierch.
Usie darohi, jakija viaduć u Słaviansk, zabłakavanyja. Horad całkam akružany.
Kamientary