Jeŭrapiejskaja kamisija ŭ sieradu dazvoliła Litvie ŭvieści jeŭra z 2015 hoda. Kraina, jakaja ŭžo dziesiać hadoŭ źjaŭlajecca členam Jeŭrasajuza, biespaśpiachova sprabavała ŭvieści jeŭra ŭ 2007 hodzie, stanie 19-m členam zony jeŭra i apošniaj z troch Bałtyjskich dziaržaŭ.
Kamisija paviedamiła, što, prymajučy pad uvahu prahres Litvy ŭ imknieńni adpaviadać kryteram, jana prapanuje Savietu Jeŭrapiejskaha sajuza dazvolić Litvie ŭvieści jeŭra z 1 studzienia 2015 hoda.
«Hatoŭnaść Litvy da ŭviadzieńnia jeŭra — vynik šmathadovych namahańniaŭ praviadzieńnia abačlivaj fiskalnaj palityki i ekanamičnych reformaŭ. Dziakujučy reformam, prystupić da jakich Litvu zaachvociła ŭstupleńnie ŭ ES dziesiać hadoŭ tamu, vidavočna ŭzros dabrabyt krainy: dola VUP na adnaho žychara vyrasła z 35% ad siaredniaha pakazčyka pa ES u 1995 hodzie da płanujemych 78% u 2015 hodzie», — adznačaje ŭ paviedamleńni dla druku namieśnik kamisara pa pytańniach ekanomiki, hrašovaj palityki i jeŭra Oli Ren.
Jak havorycca ŭ pres-relizie, siaredniaja hadavaja inflacyja Litvy ŭ krasaviku skłała 0,6% — značna mienš za dapuščalny kryter inflacyi 1,7%. JEK prahnazuje, što fiskalny deficyt Litvy ŭ hetym hodzie zastaniecca na ŭzroŭni 2,1% — mienš za dapuščalnyja 3%. Akramia taho, u kancy minułaha hoda zapazyčanaść siektara ŭłady składała 39,4% VUP i była nižej za patrabavanuju.
Adpaviadali patrabavańniam i doŭhačasovyja pracentnyja staŭki, jakija ŭ krasaviku składali 3,6%, u toj čas jak Maastrychcki kryter ustanoŭleny ŭ 6,2%.
Kamisija aceńvała adpaviednaść 8 krain Maastrychckim kryteram — ź ich tolki Litva adpaviadała nieabchodnym umovam. Astatnija dziaržavy — Bałharyja, Čechija, Charvatyja, Polšča, Rumynija, Šviecyja i Vienhryja — buduć acenienyja praz dva hady.
Kančatkovaje rašeńnie ab uviadzieńni jeŭra budzie pryniata ŭ druhoj pałovie lipienia.
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary