FIFA zabaraniła Rasii prymać krymskija kłuby ŭ svoj čempijanat DAKUMIENT
Mižnarodnaja fiederacyja futboła (FIFA) vystupiła suprać rasiejskich płanaŭ pa futbolnaj «anieksii» Kryma.
Pra heta paviedamlajecca ŭ dakumiencie, adrasavanym Rasijskamu futbolnamu sajuzu (RFS) i padpisany hienieralnym sakratarom FIFA Žeromam Valku, infarmuje «Futbolny kłub».
«U hetym kantekście my chacieli b padkreślić, što zhodna z art. 84 Statuta FIFA asacyjacyi, lihi abo kłuby, afiliravanyja da člena FIFA, mohuć dałučycca da inšaha člena FIFA ci ŭdzielničać u spabornictvach na terytoryi hetaha člena ŭ vyklučnych abstavinach.
Bolš za toje, u kožnym takim vypadku dazvoł pavinien davacca abiedźviuma adpaviednymi Asacyjacyjami Členami FIFA. U vypadku, jaki Vy pradstavili našaj uvazie, vyhladaje, što RFS maje namier afiliravać asacyjacyi i kłuby, jakija ŭžo afiliravanyja da Fiederacyi futboła Ukrainy, a ŭ takim razie pavinien prymianiacca art. 84 Statuta FIFA.
… Uličvajučy, što pravavaja i faktyčnaja situacyja, jakaja adnosicca da Vašaha zapyta, nie jasnaja, my pavažliva paviedamlajem Vam, što my nie možam razhledzieć pytańnie ab adabreńni na dadzienym etapie. Bolš za toje, my nastojliva rekamiendujem, kab Hienieralnaja asambleja RFS nie afiliravała adpaviednyja asacyjacyi i kłuby da taho, jak budzie rastłumačana pravavaja i faktyčnaja situacyja i buduć atrymany adpaviednyja dazvoły zhodna z art. 84 Statuta FIFA, pry najaŭnaści nieabchodnych umoŭ dla hetaha.
Akramia taho, my rekamiendujem prainfarmavać UEFA ab hetaj situacyi, pakolki vidavočna, što hetaje pytańnie tyčycca pierachodu asacyjacyj i kłubaŭ z adnoj ź jaje asacyjacyi ŭ inšuju», — havorycca ŭ liście.
Nahadajem, u Rasii zajaŭlali, što niama pieraškod dla taho, kab pieravieści kamandy z Kryma ŭ svoj čempijanat.
Ciapier čytajuć
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha40
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141141
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
Kamientary