Hrupa terarystaŭ, jakija abstralali aharodninavuju bazu Dabrapolla z reaktyŭnaj sistemy załpavaha ahniu «Hrad», maskiravalisia pad Nacyjanalnuju hvardyju.
Pra heta paviedamlaje Minabarony Ukrainy.
Ukrainskija vajennyja vyśvietlili, što tam znachodziŭsia atrad prarasiejskich terarystaŭ, jaki mieŭ na ŭzbrajeńni try ŭstanoŭki BM-21, adzin BTR-80 i dva aŭtamabila KamAZ.
Atrad bajevikoŭ «składaŭsia z asob kaŭkazskaj i słavianskaj źniešnaści, jakija vydavali siabie za vajennasłužačych Nacyjanalnaj hvardyi».
«Paśla ažyćciaŭleńnia ahniavoha ŭdaru najmity, paźbiahajučy ŭdaru z boku siłaŭ ATA, pakinuli rajon, papiarednie zaminiravaŭšy zakinutuju imi ŭstanoŭku BM-21 i miascovaść vakoł jaje», — raspaviali ŭ MAU.
Vajennyja praviali začystku rajona, raźminiravańnie i razradku ŭstanoŭki «Hrad».
Atrad Uzbrojenych sił pieraśleduje atrad bajevikoŭ i maje zadaču razam z avijacyjaj kančatkova jaho źniščyć.
Na miescy ahniavoha ŭdaru vyjaŭlena try snarady ad «Hradu», jakija tak i nie padarvalisia, a na pole pablizu schovišča dla aharodniny naličana trynaccać varonak.
Ustanoŭka BM-21 mieła ŭsie prykmiety maskiroŭki pad zvyčajny hruzavik: falšbort i macavańni dadatkovaha tenta. Taksama na šasi ŭstanoŭki jość śviežyja ślady macavańnia mašyny padčas vierahodnaj pieravozki na śpiecyjalnym trejlery.
Jak viadoma, bajeviki pamylilisia ŭ aryjentavańni i abstralali z ustanovak «Hrad» aharodninavuju bazu ŭ Dabrapolli. Adzin čałaviek zahinuŭ, jość paranienyja.
-
Kiraŭnik MZS Ukrainy rezka adreahavaŭ na pazbaŭleńnie Zialenskaha ordena i viarnie svaju polskuju ŭznaharodu
-
Prezident Polščy pazbaviŭ Zialenskaha Ordena Biełaha Arła — najvyšejšaj dziaržaŭnaj uznaharody krainy
-
Bajec rasijskaj PVK vykraŭ vajenkara, jaki pisaŭ pra ich kampaniju, i trymaŭ u zakapanaj trunie
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary