U niekatorych kvaterach doma na vulicy Haradzieckaj žyvuć da 75 čałaviek.
Pra heta piša čytačka sajta charter97.org ź Mienska.
«Užo amal hod žychary našaha doma viaduć baraćbu suprać nielehalnych internataŭ na 214 łožkamiescaŭ, arhanizavanych firmami sierbskich psieŭdainviestaraŭ STAA «Bielinte-Roba», ZTAA «Dana Astra» i ZTAA «Siamib» u žyłym domie na vulicy Haradzieckaja, 22 (kompleks «Vivaldzi»). Dziaržorhany (Mienharvykankam, administracyja Pieršamajskaha rajona, prakuratura rajona i horada, sansłužby) śćviardžajuć, što raśsialeńnie ŭ žyłym domie 214 hastarbajtaraŭ źjaŭlajecca zakonnym», - piša jana.
Aŭtar lista ličyć, što ŭ našaj krainie stvorana pravavaja asnova dla masavaha zasialeńnia nielehalnych hastarbajtaraŭ u žyłyja damy.
«U jakaści arhumientu pryvodziacca artykuły z Žyllovaha kodeksa ab tym, što ŭłaśnik, najmalnik žyłoha pamiaškańnia, hramadzianin, jaki źjaŭlajecca čalcom arhanizacyi zabudoŭščykaŭ, maje prava ŭ paradku, zaćvierdžanym hetym Kodeksam, dać zajmanaje imi žyłoje pamiaškańnie časova ŭ biazvypłatnaje vałodańnie i karystańnie hramadzianam biez zaklučeńnia damovy», - adznačaje jana.
Žycharka doma kaža, što miascovyja ŭłady pakryvajuć niezakonnyja, na jaje dumku, dziejańni sierbskich kampanij.
«Usie žachi pražyvańnia ŭ domie, kudy zasielena vielizarnaja kolkaść hastarbajtaraŭ, jakija pracujuć vachtavym mietadam, pieradać niemahčyma. Heta i pjanyja debošy, brud, smurod, najaŭnaść fiekalij na leśvičnych kletkach, vykarystanyja šprycy na leśvicach, bojki budaŭnikoŭ adzin z adnym i ź inšymi žycharami, brydkasłoŭje, biaskoncyja vykliki milicyi žycharami našaha doma, jakaja nie skłała nivodnaha pratakołu. Usio heta adbyvajecca ŭ žyłym domie, dzie pražyvajuć siemji, u jakich jość małaletnija dzieci i ciažarnyja žančyny. Sami hastarbajtary žyvuć, jak bydła - antysanitaryja poŭnaja (u 109 i 110 kvatery ich kolkaść składaje 75 čałaviek). Pierad pravierkami ich kolkaść rezka skaračajecca. Asabista prysutničała na niekalkich pravierkach», - piša jana.
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary