Hałoŭnaj padziejaj fiestyvalu siaredniaviečnaj kultury i muzyki «Naš Hrunvald 2014» budzie rekanstrukcyja Hrunvaldskaj bitvy. Pra heta paviedamiŭ 16 červienia na pres-kanfierencyi ŭ Minsku adzin z arhanizataraŭ fiestyvalu, kiraŭnik ekstrym-teatra Berserk Alaksandr Rak.
«Historyja Biełarusi pačynajecca nie z Druhoj suśvietnaj vajny i nie z BSSR, a maje značna hłybiejšyja karani, — padkreśliŭ jon. — Adna z słavutych staronak našaj historyi — Hrunvaldskaja bitva, samaja maštabnaja bitva pieryjadu siarednich viakoŭ u historyi čałaviectva. Jak pa kolkaści voinaŭ, što ŭdzielničali adnačasova ŭ bitvie, tak i pa nastupstvach, jakija heta padzieja mieła dla historyi. Chaču adznačyć, što dva kiraŭniki vojska sajuźnikaŭ — VKŁ i Karaleŭstva Polskaha — rodnyja braty Jahajła i Vitaŭt byli etničnymi biełarusami».
Fiestyval budzie prachodzić na terytoryi muziejnaha kompleksu «Dudutki» 19—20 lipienia. Pavodle słoŭ Raka, u rekanstrukcyi bitvy voźmuć udzieł pradstaŭniki vajenna-histaryčnych kłubaŭ Biełarusi, Ukrainy, Rasii, Francyi. Taksama ŭ prahramie fiestyvalu — piešy i konny rycarskija turniry, buhurty (masavyja bitvy pa praviłach siaredniaviečnaha boju), inšyja spabornictvy.
Muzyčny open-air «Bal paśla bitvy» — pa sutnaści, jašče adzin asobny fiestyval — projdzie na dźviuch sceničnych placoŭkach, dzie vystupiać bolš za 25 muzyčnych kalektyvaŭ. Siarod ich, u pryvatnaści, «Trołl hniot jel» (Sankt-Pieciarburh), biełaruskija «Stary Olsa», Irdorath, «Niejra Dziubiel», Ceilidh Seol i inšyja.
Budzie raźbity vialiki łahier pa siaredniaviečnych ramiostvach — kavalskaj, hančarnaj, zbrojevaj, juvielirnaj spravie, tkactvie.
Dla hledačoŭ i haściej budzie prapanavany biaspłatny łahier ź miescami dla pałatak, z zabieśpiačeńniem techničnaj vadoj.
Dabracca na fiestyval možna budzie nie tolki rejsavymi aŭtobusami Minsk — Dudutki, ale i na elektryčcy da stancyi Rudziensk (Asipovicki napramak), adkul buduć naładžanyja aŭtobusnyja znosiny.
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary