Sud Savieckaha rajona Homiela ŭ adzin dzień pa zahadzie Łukašenki №297 ad 26 červienia zastaŭsia biez troch sudździaŭ, u tym liku namieśnika staršyni. Jašče raniej, viasnoj 2014 hoda, byŭ zatrymany pa padazreńni ŭ karupcyjnym złačynstvie jašče adzin namieśnik staršyni suda Savieckaha rajona Homiela – Juryj Žoraŭ. Pakul jaho los nieviadomy.
Zhodna ž zahadu z farmuloŭkaj «pa ŭłasnym žadańni» vyzvaleny ad pasady Siarhiej Šaŭstruk, Siarhiej Ułasaŭ i namieśnik staršyni suda Viktar Kupracevič.
Taksama «pa ŭłasnym žadańni» vyzvaleny ad pasady sudździa Homielskaha abłasnoha suda Alaksiej Šamiechin. Jaho kaleha z Mazyra, namieśnik staršyni rajonnaha suda Ivan Antašuk zvolnieny z pasady z farmuloŭkaj «u suviazi sa ździajśnieńniem učynku, niesumiaščalnaha sa znachodžańniem na dziaržaŭnaj słužbie». Jaki mienavita ŭčynak ździejśniŭ užo były sudździa – tradycyjna nie paviedamlajecca.
Darečy, byłyja sudździ suda Savieckaha rajona nie raz karali miascovych apazicyjanieraŭ sutkami i štrafami za «brudnuju łajanku» i «parušeńnie paradku praviadzieńnia masavaha mierapryjemstva».
Tak, u sakaviku 2014 hoda sudździa Siarhiej Šaŭstruk razhladaŭ administracyjnuju spravu ŭ dačynieńni aktyvista AHP Uładzimira Šycikava, jaki na dazvolenym pierad vybarami ŭ miascovyja Saviety pikiecie trymaŭ płakat «Pucinskaja Rasija, ty zvarjacieła». Sudździa pryznaŭ aktyvista vinavatym u parušeńni paradku praviadzieńnia masavaha mierapryjemstva i pakaraŭ aryštam na 10 sutak. Hety ž sudździa ŭ 2011 hodzie razhladaŭ administracyjnuju spravu za «drobnaje chulihanstva» u dačynieńni aktyvista kampanii «Spravavodstva pa-biełarusku!» Ihara Słučaka.
Sudździa Viktar Kupracevič u 2011 hodzie pakaraŭ aryštam rehijanalnaha lidara AHP Vasila Palakova. Tady ž, vosieńniu 2011 hoda, sudździa Siarhiej Ułasaŭ pakaraŭ aryštam za znojdzienyja ŭ jaho ŭlotki da «Narodnaha schoda» hramadskaha aktyvista Illu Mironava. Aktyvist sprabavaŭ abskardzić rašeńnie rajonnaha sudu ŭ abłasnym, ale sudździa Alaksiej Šamiechin (jaki zaraz taksama zvolnieny «pa ŭłasnym žadańni») pryznaŭ sudovuju pastanovu pravamocnaj i nie zadavoliŭ skarhu.
-
«Z abodvuch słoŭ — dva mima». Słuckaja šaŭrmiačnaja zasmuciła biełarusaŭ pamyłkami ŭ biełaruskamoŭnaj rekłamie
-
«Karaciej, žopa!»: praŭładnaja mastačka Śviatłana Žyhimont sabrałasia ŭ Rasiju na mašynie
-
Apublikavany nacyjanalny indeks pravoŭ čałavieka za 2025 hoda. Jon upieršyniu za 7 hadoŭ nie źniziŭsia
Ciapier čytajuć
Zahinuŭ były palitviazień Alaksiej Laŭkievič. Jaho vyzvalili try miesiacy tamu paśla vizitu Koŭła1
Zahinuŭ były palitviazień Alaksiej Laŭkievič. Jaho vyzvalili try miesiacy tamu paśla vizitu Koŭła
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu3939
Kamientary