Za ŭchileńnie ad słužby va Uzbrojenych Siłach Ukrainy pahražaje kryminalnaja adkaznaść u vyhladzie pazbaŭleńnia voli na termin ad 2 da 5 hadoŭ.
Ab hetym paviedamiŭ u chodzie pres-kanfierencyi hienierał-major, pieršy namieśnik načalnika Hałoŭnaha ŭpraŭleńnia abaronnaha i mabilizacyjnaha płanavańnia Hienštaba Uzbrojenych Sił Ukrainy Uładzimir Tałałaj.
Pavodle jaho słoŭ, uchileńnie ad voinskaj słužby va Ukrainie źjaŭlajecca surjoznaj prablemaj i budzie hetak ža surjozna karacca. «Zakanadaŭstvam praduhledžvajecca adkaznaść. Kali hramadzianin adkryta zajavić ab svaim niežadańni prachodzić voinskuju słužbu, kryminalnaja adkaznaść za heta praduhledžvajecca ad 2 da 5 hadoŭ pazbaŭleńnia voli. Za bolš lohkija parušeńni — administracyjnaja adkaznaść», — adznačyŭ Tałałaj.
Čaćviortaja chvala mabilizacyi va Ukrainie startuje 20 studzienia, jašče dźvie płanujecca pravieści ŭ krasaviku i červieni. U chodzie mabilizacyi budzie pryzvana amal 50 tys. čałaviek.
Pad pryzyŭ nie padpaduć niedziejazdolnyja hramadzianie, šmatdzietnyja taty, tyja, chto dahladaje niedziejazdolnych svajakoŭ, studenty i aśpiranty VNU dzionnych form navučańnia, a taksama śviaščeńniki.
8 studzienia ministr abarony Ukrainy Ściapan Pałtarak zajaviŭ, što ŭ 2015 hodzie moža być mabilizavana amal 104 tys. čałaviek, kali heta budzie nieabchodna.
Ciapier čytajuć
«Retranślatary vyklučyć, źniać i pakazać nam, što jany źniatyja». Zialenski patłumačyŭ, čamu pastaviŭ ultymatum i što maje zrabić Minsk7
Kamientary