Tolki ŭ 2013 hodzie amierykanskija naziemnyja siły vyvieli ź Jeŭropy apošnija tanki Abrams i bajavyja mašyny piachoty Bradley. U 2014 h. u suviazi z rostam napružanaści ŭ Starym śviecie ŭ ES viarnuŭsia tankavy bataljon — dźvie strałkovyja i dźvie tankavyja roty.
Ale zaraz płanujecca, što kolkaść amierykanskaj branietechniki pavialičycca da bryhady ŭ kancy 2015 hodu — to bok da 180 tankaŭ i BMP u paraŭnańni z prykładna 60 zaraz.Taksama prybuduć 18 samachodnych 155mm haŭbic M109 i inšaja technika dla dapamožnych adzinak bryhady, paviedamiŭ kamandujučy siłami ZŠA ŭ Jeŭropie Frederyk Chodžz, piša armytimes.com
Dzie budzie zachoŭvacca hetaja technika, pakul nieviadoma. Ale, chutčej za ŭsio, u Niamieččynie ci Polščy.
Takim čynam u vypadku patreby ZŠA zmohuć za niekalki dzion, pierakinuŭšy žaŭnieraŭ i aficeraŭ u Stary Śviet, paśla chutkaj raskansiervacyi techniki dapamahčy svaim chaŭruśnikam cełaj tankavaj bryhadaj. Častkova hety ciažki ryštunak budzie vykarystoŭvacca amierykanskimi vajskoŭcami, jakija buduć prybyvać u Jeŭropu na ratacyju.
Potym asabisty skład budzie pierajazžać u inšyja rehijony śvietu, a tanki, haŭbicy i BMP u Jeŭropie zastanucca dla novaprybyłych.
«Ja ŭpeŭnieny, što dla Rasii cel numar 1 — padzialić chaŭruśnikaŭ, ubić koł pamiž ZŠA i Jeŭropaj, a potym, kali atrymajecca, padzialić Jeŭropu na častki», — adznačyŭ Chodžz.
Braniatankavaja bryhadnaja bajavaja hrupa ZŠA składajecca z 7 bataljonaŭ — 3 źmiešanych, 1 kavaleryjskaha (raźviednaha), 1 artyleryjskaha, 1 sapiornaha i 1 dapamožnaha.
U bryhadzie 90 tankaŭ Abrams, 90 BMP Bradley i 112 branietransparcioraŭ M113. Ahulny lik asabovaha składu bryhady — 4 743 čałavieki.
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary