«Siudy nie zojdzieš, nie skazaŭšy «Žyvie Biełaruś» — biełaruski pakoj na pieradavoj pad Danieckam FOTA
Fota Ruty Puškarčuk
Pamiaškańnie, u jakim žyvuć biełaruskija dobraachvotniki, jakija vajujuć na baku Ukrainy, pakazała ŭ svaim Facebook Ruta Puškarčuk, infarmacyjnaja supracoŭnica Pravaha sektara.
«U Piaskach na pazicyi «Dom» jeść pakoj, uvajści ŭ jaki moža tolki skazaŭšy «Žyvie Biełaruś» i ŭ adkaz pačuŭšy «Žyvie viečna». Na jaje dźviarach napisana «BNR» — Biełaruskaja Narodnaja Respublika», — piša Ruta. Piaski — amal całkam razburanaja ahniom rasijskich bajevikoŭ vioska pobač z byłym Danieckim aeraportam.
Žyvuć u pakoi biełarusy — bajcy-dobraachvotniki Pravaha siektara.
«Taras u volny čas hraje na hitary, Jan pracuje za šviejnaj mašynkaj (jon pa adukacyi kraviec). A kali pobač z budynkam padajuć miny, jany choram vyhukajuć «Słava Ukrainie». Jan mocna sumuje pa domie — užo bolš za hod jon vajuje va Ukrainie… », — dadaje aŭtar zapisu.
Biełaruskija dobraachvotniki va Ukrainie nie utvarajuć adzinaha farmavańnia, a zmahajucca ŭ składzie roznych bataljonaŭ pry Ministerstvach abarony i ŭnutranych sił, a taksama ŭ składzie niepadkantrolnaha dziaržavie Dobraachvotnaha ukrainskaha korpusu Pravaha siektara (DUK PS).
Ciapier čytajuć
Zahinuŭ były palitviazień Alaksiej Laŭkievič. Jaho vyzvalili try miesiacy tamu paśla vizitu Koŭła1
Zahinuŭ były palitviazień Alaksiej Laŭkievič. Jaho vyzvalili try miesiacy tamu paśla vizitu Koŭła
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu3636
Kamientary