Na dumku italjanskaha niejrachirurha, nieabchodnyja technałohii źjaviacca ŭ najbližejšy čas.
Chirurh Sierdžya Kanaviera z Turyna (Italija) choča pačać ekśpierymienty pa transpłantacyi hałavy, raspaviadaje The Guardian.
Na dumku Kanaviera, ałharytm apieracyi ŭžo hatovy, sučasnaja navuka heta dazvalaje. Zastałosia tolki raspracavać technałohiju pierasadki hałavy, na što spatrebicca tolki paru hod.
Doktar płanuje sabrać hrupu daśledčykaŭ i niejrachirurhaŭ u Merylendzie ŭ červieni 2015 hoda. Sama takaja prapanova ŭžo vyklikała nieadnaznačnuju reakcyju.
Prapanavanaja technałohija praduhledžvaje achałodžańnie hałavy pierad apieracyjaj dla zachavańnia žyvych kletak i złučeńnie niervovych kančatkaŭ, ciahlic, vien i arteryj hałavy ź ciełam donara polietylenhlikolem. Kali pieršaje zrabić lohka, druhoje pakul nie ŭ kaho nie atrymlivałasia. Da taho ž, kab pacyjent nie ruchaŭsia padčas «zrastańnia» ź ciełam, jaho pryjdziecca ŭvieści ŭ štučnuju komu prynamsi na miesiac.
Chirurh śćviardžaje, što pa apieracyi paśpiachova adnoviać dziejnaść tolki 10-15% niervovych kletak, ale hetaha chopić, kab pacyjent moh chadzić praz hod terapii.
Na jaho dumku, heta mohuć paličyć nieprymalnym adny, ale druhim heta moža vyratavać žyćcio ŭ krytyčnaj situacyi.
Akramia techničnych prablem, krytyki Kanaviera bačać i psichałahičnyja: mnohija pacyjenty paśla pierasadki orhanaŭ prosiać zabrać u ich donarskija orhany, nie prymajuć ich. U vypadku pierasadki hałavy adabrać cieła budzie prablematyčna.
Ekśpierymienty pa pierasadcy hałavy pravodzilisia ŭ 70-ch hadach u ZŠA na šympanze, ale małpy ź pierasadžanaj hałavoj nie mahli kiravać svaim ciełam. Niadaŭnija daśledavańni ŭ Kitai tyčylisia pierasadki hałavy myšy — niahledziačy na peŭny prahres u pytańni, daśledčyki pryjšli da vysnovy ab adsutnaści efiektyŭnaha sposabu ŭratavać zdarovy rozum pry krytyčna paškodžanym ciele.
-
Kab vypravić prykus, biełaruska rašyłasia na raśpiłoŭvańnie skivicy — i nie paškadavała. Ale vynieści takuju apieracyju zmoža nie kožny
-
Kala 15% biełaruskich par ciarpiać ad biaspłodździa
-
Ekśpierty papiaredžvajuć pra ŭsplosk amal nievylečnaj infiekcyi ź ciažkaj dyjarejaj, jakaja pieradajecca pałavym šlacham
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm15
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać2727
Kamientary